კობახიძე: დაჟინებით მოვუწოდებთ ოჯახს, მიაწოდონ სააკაშვილს სათანადო კალორაჟის საკვები

ჩვენ დაჟინებით მოვუწოდებთ ოჯახის წევრებს, რომ მიაწოდონ სათანადო კალორაჟის საკვები მიხეილ სააკაშვილს. ეს არის ერთადერთი, რაც ჩვენ შეგვიძლია, გავაკეთოთ. რაც შეეხება სახელმწიფოს პასუხისმგებლობას, სახელმწიფო მოქმედებს სწორედ საკუთარი პასუხისმგებლობით, ანუ, ყველა შესაბამისი სამედიცინო თუ სხვა მომსახურება არის უზრუნველყოფილი ყველა პატიმრისთვის, მათ შორის, პატიმარ მიხეილ სააკაშვილისთვის. რაც შეეხება ოჯახს და საახლობლო წრეს, მათი პასუხისმგებლობაა სათანადო კალორაჟის საკვების მიწოდება. გასაგებია, ჩვენ გვესმის, რომ თვითონ სააკაშვილი ითხოვს, დაბალი კალორაჟის საკვები შეუტანონ, მაგრამ ოჯახს აქვს თავისი პასუხისმგებლობა. შესაბამისად, ჩვენ მოვუწოდებთ ოჯახს, იმოქმედონ არა სააკაშვილის პოლიტიკური ინტერესების, არამედ მისი ობიექტური ინტერესების შესაბამისად.