აშშ-მ რუსეთის ერთ-ერთ უმდიდრეს ოლიგარქს, ვლადიმირ პოტანინსა და რუსულ კომერციულ ბანკ Rosbank-ს სანქციები დაუწესა. ინფორმაციას ამის შესახებ აშშ-ს სახაზინო დეპარტამენტი ავრცელებს. Rosbank-ი პოტანინის კონტროლში მყოფმა საინვესტიციო კოპანია Interros-მა მიმდინარე წელს შეიძინა.
აშშ-ს სახელმწიფო და სახაზინო დეპარტამენტების საერთო განცხადებების მიხედვით, აშშ-ს ადმინისტრაცია სრულად გაყინავს რუსი ოლიგარქის ქონებას და აუკრძალავს მას ქვეყანაში შესვლას.
Forbes-ის მიხედვით, პოტანინი დაახლოებით $26.4 მილიარდიანი ქონებით, რუსეთში მეორე, ხოლო მსოფლიოში 51-ე მდიდრესი ადამიანია. ის რუსეთის ერთ-ერთ უმსხვილესი სახელმწიფო კომპანიის, Norilsk Nickel-ის წილების 33%-თ ფლობს.
ვლადიმირ პოტანინი ჯერ კიდევ ბორის ელცინის პრეზიდენტობის დროს ითვლებოდა რუსეთში ერთ-ერთ ყველაზე გავლენიან ბიზნესმენად და ის ბიზნესმენთა იმ მცირე რიცხვს მიეკუთვნება, რომლებმაც ვლადიმირ პუტინის რუსეთშიც შეინარჩუნეს გავლენა.