რუსეთის საელჩო აშშ-ში ეხმაურება გავრცელებულ ცნობებს, რომელთა მიხედვითაც აშშ უკრაინისთვის Patriot-ის ტიპის ჰაერსაწინააღმდეგო თავდაცვის სისტემების გადაცემას აპირებს.
"აშშ-ში დაიწყო საინფორმაციო კამპანია, თითქოს კიევისთვის მაღალტექნოლოგიური ჰაერსაწინააღმდეგო თავდაცვის კომპლექსების გადაცემისთვის ემზადებიან. თუ ეს ცნობები დადასტურდება, ჩვენ გავხდებით მოწმეები [ბაიდენის] ადმინისტრაციის მორიგი პროვოკაციული ნაბიჯის, რომელმაც, შესაძლოა, არაპროგნოზირებად შედეგამდე მიგვიყვანოს". – ამბობენ აშშ-ში მდებარე რუსეთის საელჩოში.
აქამდე, გასულ დღეებში CNN-მა გაავრცელა ცნობა, რომ აშშ უკრაინისთვის Patriot-ის სისტემების გადაცემას აპირებს.