დღევანდელმა დღემ კიდევ ერთხელ დაადასტურა, რომ საქართველოში, ბოლო 20 წლის განმავლობაში რეალური დემოკრატიული რეფორმები საზოგადოებასთან ერთად ქართული ოცნების ხელისუფლებამ განახორციელა. ვინაიდან, მხოლოდ ამ 2-3 წლის განმავლობაში პარლამენტში პრემიერმინისტრისა და მინისტრების ვიზიტების რაოდენობა ჯამში ყველას აღემატება, რაც კი წინა 20-25 წლის განმავლობაში აქ პოლიტიკურ დებატებზე პრემიერმინისტრები, მინისტრები ან პრეზიდენტები ყოფილან. ეს არის ის კონსტიტუცია და საპარლამენტო მმართველობის მოდელი, რომელიც ქართულმა ოცნებამ დაამტკიცა და მხოლოდ ჩვენი პარტიის მმართველობის პირობებში, ჩვენი ხალხის მხარდაჭერით გახდა შესაძლებელი. ეს არის ის რეგლამენტი და საკანონმდებლო რეფორმები, რომელიც ჩვენ გავატარეთ და რომელსაც, სამწუხაროდ, თავის დროზე ოპოზიციის უდიდესმა ნაწილმა მხარი არ დაუჭირა. თუმცა, ისიც კარგია, რომ დღეს უკვე ამ საჯარო სიკეთეებსა და დემოკრატიულ პლატფორმას, რომელიც აქ ჩვენ ყველამ ერთად შევქმენით, ოპოზიციაც იყენებს. ჩვენ ის რეფორმები განვახორციელეთ, რომელზეც ყველა წინა პოლიტიკური თაობა და ოპოზიცია ოცნებობდა. რომელსაც ბევრი ხელისუფლება ხალხს ჰპირდებოდა, თუმცა, ამის რეალურად გაკეთება მხოლოდ ქართული ოცნების პოლიტიკურმა გუნდმა შეძლო.
ქართული ოცნება
თალაკვაძე: ბოლო 20 წელში, საქართველოში რეალური დემოკრატიული რეფორმები ჩვენ განვახორციელეთ
tbl.ge/66v4
დაკოპირდა
თქვა ქართული ოცნების დეპუტატმა, არჩილ თალაკვაძემ პარლამენტში.
ამავე თემაზე
- მდინარაძე ჟურნალისტებს: ივანიშვილმა თავი გადადო, რომ მათ შორის, სულელური კითხვები დაგესვათ
- ოპოზიციის და უკრაინელების გამო, ევრონესტის ფარგლებში რეზოლუცია ვერ დავაინიცირეთ – ბოჭორიშვილი
- ფრაქცია ქართული ოცნების თავმჯდომარის პოზიციაზე იონათამიშვილს მდინარაძე ჩაანაცვლებს
- TI: მარნეულის საკრებულოს კომისიის თავმჯდომარემ დეკლარაციაში ქონება და ბიზნესები არ ასახა
- მდინარაძე ენმ-ზე: ზოგიერთ მათგანს 18-20 წლამდე დედ-მამის გარეშე ეზოში არ უშვებდნენ