ჩვენ ვხედავთ, რომ ნაციონალური მოძრაობა არის სერიოზული ოლიგარქიული გავლენების ქვეშ და ამ გავლენებით წარიმართება პროცესები, მათ შორის, რასაც ამ პარტიაში ვხედავთ. იქ არის ორი დაჯგუფება. ერთი არის კეზერაშვილი-მერაბიშვილის დაჯგუფება, რომელსაც ამ შემთხვევაში, ლევან ხაბეიშვილი წარმოადგენს. მეორე მხარეს კი არიან ნიკა მელია და მისი თანამოაზრეები. სინამდვილეში, თვითონ თავმჯდომარის არჩევის პროცესი, ალბათ საინტერესო არავისთვის არის, იქიდან გამომდინარე, რომ ერთი ფორმალური თავმჯდომარე მეორეთი შეიცვლება. სინამდვილეში, ეს პროცესი არა ახალი თავმჯდომარის არჩევას, არამედ ნიკა მელიას გადაყენებას უკავშირდება. იმ პროცესის მთავარი იდეა, რომელიც ენმ-ში წარიმართება, არის სწორედ მელიას გადაყენება. ეს ყველაფერი ჩვენ საერთოდ არ გვაინტერესებს. უბრალოდ, ლევან ხაბეიშვილის ფიგურა არის იმდენად სატირულ-კომიკური, რომ შეიძლება, ამაზე უფრო მეტად გავამახვილოთ ყურადღება. სხვა დანარჩენი მაინცდამაინც საინტერესო არ არის.
tbl.ge/66t7
დაკოპირდა
ასე ეხმაურება ქართული ოცნების თავმჯდომარე, ირაკლი კობახიძე ნაციონალურ მოძრაობაში მიმდინარე პროცესებს. 16 ნოემბერს ენმ-ს თავმჯდომარეობისთვის საკუთარი კანდიდატურა წარადგინა პარტიის წევრმა, ლევან ხაბეიშვილმა. მის გარდა, ამის სურვილი ამ დროისთვის გამოთქვეს მოქმედმა თავმჯდომარემ, ნიკა მელიამ და მოძრაობა საქართველოსთვის წევრმა, აქტივისტმა გიორგი მუმლაძემ.
ამავე თემაზე
- გიორგი ონიანი ნაციონალურ მოძრაობას ტოვებს და ნიკა გვარამიას გუნდს უერთდება
- კვიტაიშვილი: ვტოვებ ენმ-ს, ვუერთდები გვარამიას ახალგაზრდა იდეალისტების გუნდს
- ჩოხატაურის საკრებულოს სამმა წევრმა ნაციონალური მოძრაობა დატოვა და მელიას გუნდში გადავიდა
- წიკლაური: ჩემი პოლიტიკური ცხოვრება ამიერიდან აღარ უკავშირდება ერთიან ნაციონალურ მოძრაობას
- ბეჟაშვილი: სააკაშვილმა კარგად შეაფასა ენმ-დან გასვლის ფაქტები, მან ეს ბოკერიას გზას შეადარა