რუსი ოკუპანტებისგან გათავისუფლებულ ლიმაში, დონეცკის ოლქში, 5 ბავშვის ცხედარი იპოვეს. წინასწარი მონაცემებით, მცირეწლოვნები ოკუპანტების მიერ ქალაქის დაბომბვას ეხმსხვერპლნენ.
ინფორმაცია უკრაინის შინაგან საქმეთა სამინისტროს პრესსამსახურმა გაავრცელა - მათივე ცნობით, პოლიციამ 2021, 2019 და 2008 წელს დაბადებული გოგოების, ასევე 2012 და 2011 წლებში დაბადებული ბიჭებიც ცხედრები იპოვა.
"ყველაზე პატარა ორი გოგო [2021 და 2012 წელს დაბადებულები] დები არიან. სასამართლო-სამედიცინო ექსპერტიზის ჩატარების შემდეგ ბავშვებს თავიდან დაკრძალავენ". - წერია განცხადებაში.
განცხადების მიხედვითვე, გამომძიებლებმა მასობრივ საფლავში 4 ბავშვის ცხედარი იპოვეს, 1 ბიჭი კი დედამ ეზოში დამარხა.
"წინასწარი მონაცემებით, ყველა მათგანი რუსების მიერ დაბომბვისას მიყენებული ჭრილობებით დაიღუპა". - ვკითხულობთ განცხადებაში.
ოკუპანტების მიერ უკრაინაში სრულმასშტაბიანი შეჭრის შემდეგ დონეცკის ოლქში ბრძოლა მიმდინარეობს - ოფიციალური ინფორმაციით, უკრაინის შეიარაღებული ძალების მიერ შემოდგომაზე კონტრშეტევის დაწყების დროს უკრაინელები ოლქის ტერიტორიების 45%-ს აკონტროლებდნენ, 26 სექტემბერს კი - 50%-ს.
17 ოქტომბრის მდგომარეობით, დონეცკის ოლქში 43 მასობრივი საფლავია აღმოჩენილი.