ოხანაშვილი ჟურნალისტებს: ტრაგედიით მანიპულირებთ, კალაძეს უკავშირებთ

პირველ რიგში, ეს არის უმძიმესი ტრაგედია. ერთადერთი, რაც აქ შეიძლება ითქვას, დაღუპულის ოჯახსა და ახლობლებს ვუსამძიმრებ. რა თქმა უნდა, ყველაფერი უნდა გაირკვეს. ჩემი ინფორმაციით, შსს-მ გამოძიება დაიწყო და იმედი მაქვს, ყველაფერს ნათელი მოეფინება. თუ ამაში ვინმეს ბრალეულობა გამოიკვეთება, შესაბამისი პასუხისმგებლობაც დადგება. ყველაზე მძიმე ის არის, რომ თქვენ ადამიანის ტრაგედიითა და ამ უბედურებით მანიპულირებთ. რასაც თქვენ ახლა აკეთებთ, სამარცხვინოა. 13 წლის ბავშვი გარდაიცვალა და თქვენ აქ პოლიტიკური დღის წესრიგი შემოგაქვთ. თქვენს საქციელზე ვწუხვარ [...] კიდევ ერთხელ ვიმეორებ, ეს უმძიმესი ტრაგედიაა, 13 წლის ბავშვსა და ოჯახზეა საუბარი, რომელიც ახლა უმძიმეს მდგომარეობაშია ჩავარდნილი. ყველა განცხადება, რომელიც თქვენ პოლიტიკურ ჭრილში გადაგაქვთ, კახი კალაძეს უკავშირებთ, ქართულ ოცნებას დაუკავშირებთ, ეს არის სამარცხვინო. ამას თქვენ გააკეთებთ, ეს არ გვიკვირს [...] გიორგი ამილახვარის სიტყვების არასწორად წარმოჩენაც კიდევ ერთი დასტურია, რომ ტრაგედიით მანიპულირებთ. ამილახვარს ის არ უგულისხმია, რომ თუ კონკრეტულ საკითხზე ვინმეა პასუხისმგებელი, მას პასუხისმგებლობა არ უნდა დაეკისროს. ხალხო, ტრაგედიით მანიპულირებას თავი დაანებეთ.