რუსმა ოკუპანტებმა ზაპოროჟიე კვლავ დაბომბეს. მრავალსართულიანი საცხოვრებელი კორპუსის დაბომბვას ერთი ადამიანის სიცოცხლე ემსხვერპლა. ინფორმაციას უკრაინული მედია ავრცელებს.
დაშავდა 5 ადამიანი - მათ შორის ერთი ბავშვია.
ადგილზე სამაშველო სამუშაოები გრძელდება.
ბოლო პერიოდის განმავლობაში რუსმა ოკუპანტებმა ზაპოროჟიე მრავალჯერ დაბომბეს - სექტემბრის ბოლოს ჰუმანიტარულ ავტოკოლონაზე შეტევას 30 მშვიდობიანი მოქალაქის სიცოცხლე ემსხვერპლა, 88 კი დაშავდა.
ზაპოროჟიეში მრავალსართული შენობა 9 ოქტომბერსაც დაიბომბა - შედეგად, 17 ადამიანი დაიღუპა, მაშველებმა 21 მოქალაქე გადაარჩინეს.