რუსეთის თავდაცვის სამინისტროში უკრაინაში, დნეპროპეტროვსკის ოლქში რკინგზის სადგურ ჩაპლინოზე სარაკეტო თავდასხმას ადასტურებენ.
რუსეთის თავდაცვის უწყების სპიკერის, იგორ კონაშენკოვის მტკიცებით, მათ იერიშს 200-ზე მეტი უკრაინელი რეზერვისტი ემსხვერპლა.
"დნეპროპეტროვსკის ოლქში, სარკინიგზო სადგურ ჩაპლინოზე სამხედრო ეშელონზე რაკეტა ისკანდერის პირდაპირი მორტყმის შედეგად განადგურებულია უკრაინის შეიარაღებული ძალების რეზერვის 200-ზე მეტი სამხედრო მოსამსახურე და სამხედრო ტექნიკის 10 ერთეული, რომლებიც დონბასის სამხედრო მოქმედებების ზონისკენ მიიწევდნენ". – თქვა კონაშენკოვმა.
უკრაინის პრეზიდენტის, ვოლოდიმირ ზელენსკის ოფისის ხელმძღვანელის მოადგილის, კირილ ტიმოშენკოს თქმით, 24 აგვისტოს იერიშის შედეგად დაღუპულ მოქალაქეთა რიცხვი 25-მდე გაიზარდა, მათ შორის 2 ბავშვია.
უკრაინას არ უხსენებია არიან თუ არა დაღუპული სამხედროები.
უკრაინის გენერალური პროკურატორი ამბობს, რომ შემთხვევის ადგილზე აღმოაჩინეს სმერჩისა და С-300-ის სისტემის რაკეტების ფრაგმენტები, ხოლო საცხოვრებელ სახლებს მოხვდა ისკანდერის ტიპის რაკეტა.