რუსი ოპოზიციონერი და ეკატერინბურგის ყოფილი მერი ევგენი როიზმანი პოლიციამ დააკავა. რუსეთის სახელმწიფო ტელევიზიის მიხედვით, მას ბრალი რუსეთის შეიარაღებული ძალების დისკრედიტირებაში ედება.
გამოძიება როიზმანის წინააღმდეგ მის მიერ Youtube-ზე ვიდეოს გამოქვეყნების შემდეგ დაიწყო.
როიზმანმა დაკავებისას აღნიშნა, რომ მას იმის გამო აკავებდნენ, რომ მან ფრაზა "უკრაინაში შეჭრა" გამოიყენა.
"პრაქტიკულად ერთი ფრაზის თქმისთვის: "უკრაინაში შეჭრა". ყველგან მაქვს ნათქვამი და ახლაც ვიტყვი. ჩვენ უკვე ვიცით ყველაფერი ჩვენი ქვეყნის შესახებ. არაფერი ახალი არაა". – თქვა როიზმანმა.
მედიის ინფორმაციით, პოლიციამ ჩხრეკა ჩაატარა როიზმანის სახლში, მის ფონდსა და კერძო მუზეუმში.
