რეზნიკოვი: დამატებითი 4 HIMARS-ი უკრაინაშია

უკრაინის თავდაცვის მინისტრი, ოლექსი რეზნიკოვი წერს, რომ აშშ-ს მიერ გამოგზავნილი დამატებითი 4 HIMARS-ი უკვე უკრაინაშია.

"4 დამატებითი HIMARS-ი უკრაინაში ჩამოვიდა. მადლობელი ვარ აშშ-ს პრეზიდენტის, თავდაცვის მინისტრი ლოიდ ოსტინისა და ამერიკელი ხალხის, უკრაინის არმიის გაძლიერებისთვის. დავამტკიცეთ, რომ ამ იარაღს ჭკვიანურად ვიყენებთ. HIMARS-ის ხმა ამ ზაფხულში ფრონტის ხაზზე საუკეთესო მუსიკა გახდა". – წერს რეზნიკოვი.

4 additional HIMARS have arrived in🇺🇦. I’m grateful to @POTUS @SecDef Lloyd Austin III and 🇺🇸people for strengthening of #UAarmy
We have proven to be smart operators of this weapon. The sound of the #HIMARS volley has become a top hit 🎶 of this summer at the front lines!
🇺🇦🤝🇺🇸 pic.twitter.com/iOBoxfjV7e
— Oleksii Reznikov (@oleksiireznikov) August 1, 2022

ამერიკული მაღალი მობილობის საარტილერიო-სარაკეტო სისტემის (HIMARS) მეშვეობით, უკრაინამ ფრონტზე გარკვეულ წარმატებებს მიაღწია. ამ სისტემისთვის უკრაინისთვის გადაცემულ რაკეტებს დაახლოებით 70 კმ.-იანი რადიუსი გააჩნია და მაღალი სიზუსტის არის.