რუსეთის თავდაცვის მინისტრი სერგეი შოიგუ უკრაინაში იმყოფებოდა. ინფორმაციას სამინისტრო ავრცელებს.
უწყების ცნობით, შოიგუმ უკრაინაში რუსეთის შეიარაღებული ძალების ნაწილები მოინახულა.
"რუსული ჯგუფების სამეთაურო პუნქტებზე არმიის გენერალმა სერგეი შოიგუმ მოისმინა მეთაურებისგან მოხსენებები რუსეთის შეიარაღებული ძალების მიმდინარე ვითარებისა და მოქმედებების შესახებ მთავარ ოპერატიულ რაიონებში.
სამხედრო დეპარტამენტის უფროსმა განსაკუთრებული ყურადღება დაუთმო საომარი მოქმედებების ყოვლისმომცველი მხარდაჭერის ორგანიზებას, ასევე დროებით განლაგების პუნქტებში რუსი სამხედრო მოსამსახურეებისთვის ყველა აუცილებელი საცხოვრებელი პირობების შექმნას. ასევე, რუსეთის ფედერაციის თავდაცვის მინისტრმა, არმიის გენერალმა სერგეი შოიგუმ სახელმწიფო ჯილდოები: რუსეთის ფედერაციის გმირის ოქროს ვარსკვლავის მედალი და მამაცობის ორდენი გადასცა რუს სამხედროებს, რომლებმაც გამოიჩინეს გმირობა და თავდადება საბრძოლო მოქმედებებში. მისიები სპეციალური სამხედრო ოპერაციის დროს".- აღნიშნულია რუსეთის თავდაცვის სამინისტროს მიერ გავრცელებულ განცხადებაში.
უწყება ვიდეოსაც ავრცელებს. უცნობია როდის იმყოფებოდა შოიგუ უკრაინაში.
