დონეცკის ოლქში რუსულმა სამხედრო ძალებმა სვიატოჰირსკის ყოვლადწმინდის ლავრა დაბომბეს. ტაძრის მთავარ სალოცავს ცეცხლი უკიდია. ეუთოს უკრაინული მისიის ცნობით, მონასტერი რუსეთის საპატრიარქოს დაქვემდებარებაშია.
"რუსი ბარბაროსების კიდევ ერთი დანაშაული, რომელთათვისაც წმინდა არაფერია". – წერს სოციალურ ქსელში უკრაინის არმიის ოფიცერი, იური კოჩევენკო და ლავრის ხანძრის ფოტოს აქვეყნებს.
სვიატოჰირსკის ლავრა რამდენიმე საუკუნის წინ აშენდა. BBC-ის ცნობით, მონასტერი მდინარე სივერსკი დონეცის ნაპირას მდებარეობს, რომლის გადალახვაც უკრაინის არმიის ალყაში მოსაქცევად რუსულმა ჯარმა არაერთხელ სცადა.