რუსეთ-უკრაინის 2022 წლის ომი

ზელენსკი: რუსი ჯარისკაცები, რომლებიც გადარჩებიან, ამ ბოროტებას რუსეთში უკან წაიღებენ

ვემზადებით რუსეთის მხრიდან დონბასზე ახალი იერიშის მიტანის მცდელობებისთვის, რათა როგორმე უკრაინის სამხრეთით წინ წაიწიონ. [...] ოკუპანტებს ჯერ კიდევ არ უნდათ აღიარება, რომ ჩიხში არიან და რომ მათი ე.წ "სპეცოპერაცია" უკვე გაკოტრდა. აუცილებლად დადგება მომენტი, როდესაც უკრაინელი ხალხი ოკუპანტებს აიძულებს, აღიარონ რეალობა. [...] რუსეთის დღევანდელი სარაკეტო თავდასხმა ლვოვის რეგიონში, გულიაპოლის, სევეროდონეცკის, ლისიჩანსკის, დონეცკის რეგიონის ქალაქებისა და თემების დაბომბვა, ოკუპანტების მთელი ეს სისასტიკე, რომელსაც უკრაინა ყოველდღიურად განიცდის, მხოლოდ იქამდე მიგვიყვანს, რომ რუსი ჯარისკაცები, რომლებიც გადარჩებიან, ამ ბოროტებას უკან თან წაიღებენ რუსეთში, წაიღებენ, იმიტომ, რომ უკან დაიხევენ. აი რითი დასრულდება რუსი სამხედროების მთელი ეს თავგამეტებული საქმიანობა, რომელსაც ჩვენ თქვენთან ერთად ახლა ვუყურებთ.

თქვა უკრაინის პრეზიდენტმა, ვოლოდიმირ ზელენსკიმ გავრცელებულ ვიდეომიმართვაში.

კომენტარები