უკრაინის საგარეო საქმეთა მინისტრმა, დმიტრო კულებამ თქვა, რომ სამშვიდობო მოლაპარაკებები უკრაინასა და რუსეთს შორის, რომელიც დღეს, სტამბულში უნდა განახლდეს, ფოკუსირებული იქნება უკრაინაში ჰუმანიტარული სიტუაციის შემსუბუქებაზე, ხოლო ცეცხლის შეწყვეტა მოლაპარაკებების მთავარი მიზანია.
"მოლაპარაკების დროს ყურადღება გამახვილდება ჰუმანიტარულ საკითხებზე, თუმცა განსაკუთრებით მნიშვნელოვანია ცეცხლის შეწყვეტის შესახებ შეთანხმების მიღწევა".- თქვა კულებამ.
