უკრაინის პრეზიდენტი, ვოლოდიმირ ზელენსკი დასავლეთის ლიდერებს უკრაინის ცაზე არასაფრენი ზონის გამოცხადების თხოვნით კიდევ ერთხელ მიმართავს.
"კიდევ რა უნდა გააკეთონ ოკუპანტებმა, კიდევ რამდენი ადამიანი უნდა მოკლან იმისთვის, რომ დასავლელმა ლიდერებმა და NATO-ს ლიდერებმა დადებითად უპასუხონ უკრაინის თხოვნას არასაფრენ ზონასთან დაკავშირებით ან ჩვენი ქვეყნისთვის იმ ავიაციის მიწოდებაზე, რომელიც ასე ძალიან გვჭირდება". - წერს ზელენსკი.
