მშვიდობისათვის ყოვლისა სოფლისა, კეთილად დგომისათვის
წმიდათა ღვთისა ეკლესიათა და ყოველთა ერთობისათვის, უფლისა
მიმართ ვილოცოთ.
(საღმრთო ლიტურგია)
2022 წლის 24 თებერვალს უკრაინაზე რუსეთის თავდასხმა მართლმადიდებლური ტრადიციის ხალხთათვის დიდ ისტორიულ საფრთხეს წარმოადგენს. მართლმადიდებელ მორწმუნეთათვის კიდევ უფრო შემაშფოთებელია ის გარემოება, რომ რუსეთის ეკლესიის უმაღლესი სამღვდელოება თავდასხმის ფაქტს უარყოფს, სამაგიეროდ, ბუნდოვან განცხადებებს აქვეყნებს მშვიდობის საჭიროებაზე მიმდინარე "მოვლენებისა" და "საომარი მოქმედებების" შუქზე. ამავე დროს, ყურადღებას ამახვილებს რუს და უკრაინელ ხალხთა "ძმობაზე", რადგან მათი აზრით, ორივე ეს ხალხი "წმინდა რუსეთის" ნაწილია. სამხედრო მოქმედებებს ბოროტ "დასავლეთს" აბრალებს და სამრევლოებს იმგვარი ლოცვისკენ მოუწოდებს, როგორიც უფრო მეტად წაახალისებს საომარ მოქმედებებს.
ვლადიმირ პუტინისადმი მოსკოვის საპატრიარქოს მრავალი იერარქის მხარდაჭერას ღრმა ფესვები აქვს თავისი არსით ტოტალიტარულ, მართლმადიდებლურ ეთნოფილეტისტურ რელიგიურ ფუნდამენტალიზმში, რომელსაც რუსკი მირი ანუ რუსული სამყარო ეწოდება, ცრუ მოძღვრებაში, რომელიც მართლმადიდებელ ეკლესიაში ბევრს იზიდავს და რომელიც თვით კათოლიკე და პროტესტანტმა ფუნდამენტალისტებმაც კი გაითავისეს.
პრეზიდენტი ვლადიმერ პუტინი და კირილე (გუნდიაევი) მოსკოველი (მოსკოვის საპატარიარქო) თავიანთ განცხადებებში მუდმივად მოუხმობდნენ და ავითარებდნენ რუსული სამყაროს იდეოლოგიას უკანასკნელი ოცი წლის განმავლობაში. 2014 წლიდან, როდესაც რუსეთმა ყირიმი დაიპყრო და დონბასში მართული ომი წამოიწყო იმ დრომდე სანამ ის უკრაინაში სრულმასშტაბიან ომს გააჩაღებდა, და მას შემდეგაც, პუტინი და პატრიარქი კირილე რუსულ სამყაროს ომის გამამართლებელ უმთავრეს საბაბად იყენებენ. აღნიშნული სწავლება აცხადებს, რომ არსებობს საერთაშორისო რუსული ცივილიზაციის სფერო, რომელსაც წმინდა რუსეთი ან წმინდა რუსი ეწოდება. ეს სფერო მოიცავს რუსეთს, უკრაინასა და ბელორუსს (და ხანდახან მოლდოვასა და ყაზახეთს), ასევე ეთნიკურ რუსებსა და რუსულენოვან ადამიანებს მთელ მსოფლიოში. აღნიშნული მოძღვრების თანახმად, ამ "რუსულ სამყაროს’’ საერთო პოლიტიკური ცენტრი აქვს მოსკოვის, ხოლო საერთო სულიერი ცენტრი კიევის (კიევი ვითარცა დედა სრულიად რუსეთისა) სახით, აქვს საერთო ენა (რუსული), ჰყავს საერთო ეკლესია (რუსეთის მართლმადიდებელი ეკლესია, მოსკოვის საპატრიარქო) და საერთო პატრიარქი (მოსკოვის პატრიარქი), რომელიც საერთო პრეზიდენტთან/ეროვნულ ლიდერთან (პუტინი) შეთანხმებით მოქმედებს, რათა მართოს რუსული სამყარო და შეინარჩუნოს თვითმყოფადი სულიერება, ზნეობა და კულტურა.
"რუსული სამყაროს" საპირისპიროდ (როგორც ამას აღნიშნული სწავლება ქადაგებს) დგას გარყვნილი დასავლეთი, ამერიკის შეერთებული შტატებისა და დასავლეთ ევროპის ერების წინამძღოლობით, რომელიც დანებდა "ლიბერალიზმს", "გლობალიზაციას,'' "ქრისტიანოფობიას'' და "ჰომოსექსუალთა უფლებებს,'' რასაც გეი აღლუმებზე ქადაგებენ და ქედი მოიდრიკა "მებრძოლი სეკულარიზმის" წინაშე. დასავლეთსა და იმ ეკლესიებს, რომლებიც განხეთქილებასა და ცდომილებაში ჩავარდნენ (ისეთები, როგორებიცაა მსოფლიო პატრიარქი ბართლომე და მისი მხარდამჭერი ადგილობრივი მართლმადიდებელი ეკლესიები) აღემატება და უპირსიპირდება მოსკოვის საპატრიარქო ვლადიმერ პუტინთან ერთად, ვითარცა მართლმადიდებლობის ჭეშმარიტი მცველნი, მართლმადიდებლობისა, რომელსაც ისინი ტრადიციული ზნეობის, ტრადიციის რიგორისტული და უცვალებელი გაგებისა და წმინდა რუსეთის თაყვანისცემის თვალთახედვით განიხილავენ.
2009 წელს, პატრიარქ კირილეს აღსაყდრების შემდეგ, მოსკოვის საპატრიარქოს მოთავეები, ისევე როგორც რუსეთის სახელმწიფოს პოლიტიკის გამხმოვანებელნი, მუდმივად აღნიშნულ პრინციპს ეყრდნობიან, რათა მართლმადიდებლური ერთობა დააბრკოლონ. ეკლესიის ეთნიკური პრინციპით ორგანიზაცია დაგმობილ იქნა კონსტანტინეპოლის 1872 წლის კრებაზე. ეთნოფილეტიზმის ცრუ სწავლება რუსული სამყაროს იდეოლოგიის საფუძველია. თუკი ჩვენ ამგვარ ყალბ პრინციპებს ჭეშმარიტად მივიჩნევთ, მაშინ მართლმადიდბელი ეკლესია იესო ქრისტეს, მოციქულთა, ნიკეა-კონსტანტინეპოლის მრწამსის, მსოფლიო კრებათა და წმინდა მამათა ეკლესიად ყოფნას შეწყვეტს. ერთობა შინაგანად შეუძლებელი გახდება.
შესაბამისად, ჩვენ უარვყოფთ რუსული სამყაროს ერესსა და რუსეთის ხელისუფლების სამარცხვინო ქმედებებს, რაც უკრაინაში ომის დაწყებაში გამოიხატა და რომელიც რუსეთის ეკლესიის წაქეზებით სწორედ ამ მავნე და უსაფუძვლო მოძღვრებისაგან იღებს სათავეს. ჩვენ ვგმობთ ამ სწავლებას, როგორც სრულიად არამართლმადიდებლურს, არაქრისტიანულს და კაცთა მოდგმის საწინააღმდეგოს, რომელიც მოწოდებულია იყოს "განმართლებული... განათლებული... განბანილი სულიწმინდის მიერ ჩვენი უფლის იესო ქრისტეს სახელით (ნათლობის განგება).’’ როგორც რუსეთი შეიჭრა უკრაინაში, ასევე მოსკოვის საპატრიარქო შეიჭრა მართლმადიდებელ ეკლესიაში, მაგალითად აფრიკაში, გამოიწვა იქ განხეთქილება და დავა, ენით უთქმელი დანაკარგები არა მხოლოდ სხეულის, არამედ სულისთვისაც, საფრთხეში ჩააგდო რა მორწმუნეთა ცხონება.
"რუსული სამყაროს" სწავლების ფონზე, სწავლებისა რომელიც ანადგურებს და ყოფს მართლმადიდებელ ეკლესიას, ჩვენ შთაგონებული ვართ ჩვენი უფლის იესო ქრისტეს სახარებითა და მისი ცოცხალი სხეულის (რომელიც არის მართლმადიდებელი ეკლესია) წმინდა გარდამოცემის მიერ, რათა განვაცხადოთ და მართლაღსარებით გამოვთქვათ შემდგომი ჭეშმარიტებანი:
1. "მიუგო იესომ: ჩემი მეუფება არ არის ამქვეყნიური; ამქვეყნიური რომ იყოს, ჩემი მსახურნი იბრძოლებდნენ, რომ ხელში არ ჩავვარდნოდი იუდეველებს. მაგრამ აწ ჩემი მეუფება არ არის ამქვეყნიური’’ (იოანე 18:36).
ჩვენ ვამოწმებთ, რომ ისტორიის ღვთისაგან დასახული მიზანი და სრულყოფა, მისი ტელოსი, არის ჩვენი უფლის იესო ქრისტეს სასუფევლის მოსვლა, მართალთა სუფევა, მშვიდობა და სიხარული სულიწმინდაში, სუფევა რომელიც დამოწმებულია წმინდა წერილის მიერ, როგორც მას სრული უეჭველობით განმარტავენ წმინდა მამები. ეს არის სასუფეველი, რომლის წინარეგემოსხილვაში ჩვენ ყოველი ლიტურგიისას ვმონაწილეობთ: ,,კურთხეულ არს მეუფება მამისა და ძისა და წმიდისა სულისა აწ და მარადის და უკუნითი უკუნისამდე! (საღმრთო ლიტურგია).’’ ეს მეუფება არის ერთადერთი საძირკველი და ავტორიტეტი მართლმადიდებელთათვის, ჭეშმარიტად ყოველი ქრისტიანისათვის. ამის გარდა არ არსებობს სხვა წყარო გამოცხადებისათვს და არც სხვა საფუძველი არსებობს სამწყსოს, საზოგადოების, სახელმწიფოსა და კანონისათვის, პიროვნული იდენტობისა თუ სწავლებისათვის, მართლმადიდებლობის ვითარცა ქრისტეს ცოცხალი სხეულისათვის, რომელიც გაცხადდა იესო ქრისტეში, მისგან, მის მიერ და ღმრთის სულისაგან.
შესაბამისად, ჩვენ ვგმობთ და უარვყოფთ, ვითარცა არამართლმადიდებლურს, ნებისმიერ მოძღვრებას, რომელიც ეძიებს, რათა წინასწარმეტყველთაგან ხილული და ქრისტეს მიერ გაცხადებული და წარმოჩენილი, მოციქულთაგან ქადაგებული, ეკლესიის მიერ სიბრძნედ მიღებული, წმინდა მამათა მიერ დოგმატად განწესებული და წმინდა ლიტურგიაზე განცდილი ღვთის სასუფეველი სხვა რამით ჩაანაცვლოს, იქნება ეს წმინდა რუსეთი, ღვთივკურთხეული ბიზანტია ან რომელიმე სხვა მიწიერი სამეფო და ამგვარად მიიტაცოს ღვთის განუყოფელი უფლება გადასცეს სუფევა ღმერთსა და მამას (1კორინთელთა 15:24) და უარყოს ღვთის ძალა შეაშროს ცრემლი ყოველი ადამიანის თვალზე (გამოცხადება 21:4). ჩვენ მტკიცედ ვგმობთ ღვთისმეტყველების იმ ყოველგვარ სახეს, რომელიც უარყოფს, რომ ქრისტიანები არიან მწირნი და დევნილნი ამა სოფლისა (ებრაელთა 13:14), რაც იმას ნიშნავს რომ "ჩვენი მოქალაქეობა ზეცაშია, საიდანაც მოველით მხსნელსაც - უფალ იესო ქრისტეს (ფილიპელთა 3:20)’’ და ქრისტიანები "საკუთარ მამულებში მკვიდრობენ, მაგრამ მკვიდრობენ, როგორც უცხონი. მოქალაქეთა მსგავსად ერთვებიან ყოველ საქმეში, მაგრამ დაითმენენ ყოველივეს, როგორც სტუმარნი. ყოველგვარი უცხო ქვეყანა მამულია მათი და ყოველი მამული – უცხო ქვეყანა’’ (ეპისტოლე დიოგნეტეს მიმართ, 5).
2. "მაშინ უთხრა მათ: მიაგეთ კეისარს კეისრისა, ხოლო ღმერთს - ღმრთისა’’ (მათე 22:21).
ჩვენ ვამოწმებთ რომ ღვთის სასუფევლის საბოლოო გამარჯვების მოლოდინში ვაღიარებთ ჩვენი უფლის იესო ქრისტეს ერთადერთ და საბოლოო მეუფებას. ამ წარმავალ საუკუნეში, მიწიერი მმართველნი მშვიდობას უზრუნველყოფენ, რათა ღვთის ერმა შეძლოს იცხოვროს "სიწმინდით, მშვიდობით და უცოდველად’’ (საღმრთო ლიტურგია). თუმცა არ არსებობს სახელმწიფო, ერი თუ საზოგადოებრივი წყობა რომელსაც შეუძლია იმაზე მეტი უფლება მოიხვეჭოს ჩვენზე, ვიდრე იესო ქრისტეს აქვს, რადგან იესოს სახელის წინაშე წინაშე უნდა "მოიდრიკოს ყოველი მუხლი, ზეცისაც, ქვეყნისაც და ქვესკნელისაც’’ (ფილიპელთა 2:10).
ამგვარად ჩვენ ვგმობთ და უარვყოფთ ყოველგვარ სწავლებას, რომელიც ღვთის ეკლესიაში გაცხადებულ ღვთის სასუფეველს ამა სოფლის რომელიმე მეუფებას დაუმორჩილებს, რომელიც სხვა საეკლესიო თუ საერო ბატონებს ეძიებს, ვინც ჩვენს გამართლებასა და ხსნას შესძლებდნენ. ჩვენ მტკიცედ განვსჯით ხელისუფლების ყოველგვარ ფორმას, რომელიც სახელმწიფოს აღმერთებს (თეოკრატიას) და ეკლესიის შთანთქმას ცვდილობს, ართმევს რა მას უფლებას წინასწარმეტყველთა მსგავსად წინ აღუდგეს უსამართლობას. ჩვენ ასევე ვკიცხავთ ყველას, ვინც ცდილობს ცეზაროპაპიზმის გამართლებას, რომელიც ჯვარცმულისადმი მორჩილების ნაცვლად საერო ძალაუფლებით აღჭურვილი პირისადმი მორჩილებას ასწავლის, ღვთისაგან ცხებულობას, რომ იჩემებს, ვინც არ უნდა იყოს ეს პირი, ცნობილი იქნება ის კეისრის, იმპერატორის, ცარისა თუ პრეზიდენტის სახელით.
3. "აღარ არის იუდეველი, აღარც ბერძენი, აღარც მონა და აღარც თავისუფალი, აღარც მამრი და აღარც მდედრი, რადგანაც ყველანი ერთი ხართ ქრისტე იესოში’’ (გალატელთა მიმართ 3:28).
ჩვენ ვამოწმებთ, რომ კაცთა მოდგმის განყოფა რასის, რელიგიის, ენისა და ეთნიკურობის ან ადამიანის არსებობის სხვა რომელიმე მეორეული ნიშნის მიხედვით ამ დაცემული და ცოდვილი წუთისოფლისათვისაა ნიშნეული, რომელიც პატრისტიკული ტრადიციის თანახმად "ხორცისათვის დამახასიათებელი განსხვავებანია’’ (გრიგოლ ნოსელი, სიტყვა 7, 3). ეს ბოროტება სწორედ ამგვარ განსხვავებებს ახასიათებს, რაც სრულიად საწინააღმდეგოა სახარებისა, სადაც ყველა ერთია და თანასწორი იესო ქრისტეში. ადამიანები საკუთარ შეცოდებათა გამო მის წინაშე სიტყვისგებაზე არიან ვალდებული და მათ შეუძლიათ მიიღონ მისი სიყვარული და მიტევება, არა როგორც რომელიმე კონკრეტული სოციალური ჯგუფის წევრებმა, არამედ როგორც პიროვნებებმა, რომლებიც ღვთის ხატად და მსგავსად და ერთმანეთის თანასწორად არიან შექმნილნი და შობილნი (შესაქმე 1:26).
შესაბამისად, ჩვენ ვგმობთ და უარვყოფთ ნებისმიერ სწავლებას, რომელიც ღვთაებრივ ბატონობას და მეუფებას, საზეპურო კურთხეულობასა და სიწმინდეს რომელიმე ცალკე აღებულ ადგილობრივ, ეროვნულ ან ეთნიკურ იდენტობას განუკუთვნებს ან რომელიმე კონკრეტულ კულტურას ახასიათებს, როგორც გამორჩეულსა ან ღვთისაგან დადგინებულს, იქნება ეს ბერძნული, რუმინული, რუსული, უკრაინული თუ სხვა.
4. "თქვენ გსმენიათ, რომ თქმულა: გიყვარდეს მოყვასი შენი და გძულდეს მტერი შენი; ხოლო მე გეუბნებით თქვენ: გიყვარდით თქვენი მტერნი; დალოცეთ თქვენი მაწყევარნი; კეთილი უყავით თქვენს მოძულეთ და ილოცეთ თქვენსავ მდევნელთა და შეურაცხმყოფელთათვის; რათა იყოთ შვილნი თქვენი ზეციერი მამისა, ვისაც თავისი მზე ამოჰყავს კეთილთა და ბოროტთათვის და წვიმას უგზავნის მართალთაც და უსამართლოთაც’’ (მათე 5: 43-45).
მივყვებით რა უფლის მცნებას, ჩვენ ვამოწმებთ (როგორც ამას წმინდა სილუან ათონელი გამოთქვამს), რომ "მადლი ღვთისა არაა იმ ადამიანში, რომელსაც არ უყვარს თავისი მტრები,’’ და ჩვენ ვერ ვეწევით მშვიდობას, სანამ არ შევიყვარებთ ჩვენს მტრებს. ამგვარად, ყოველგვარი ბრძოლისყოფა საბოლოო მარცხია ქრისტეს სიყვარულისა.
ამდენად, ჩვენ ვგმობთ და არ ვიღებთ ყოველგვარ სწავლებას, რომელიც ახალისებს განყოფას, უნდობლობას, სიძულვილსა და ძალადობას ხალხთა, რელიგიათა, აღმსარებლობათა, ერთა და სახელმწიფოთა შორის. ჩვენ კვლავაც ვგმობთ და უარვყოფთ ნებისმიერ სწავლებას, ვითარცა არამართლმადიდებლურს, რომელიც საზოგადოებისათვის საკიცხველად აქცევს მათ ვინც საზოგადოებისა და სახელმწიფოსაგან "სხვად’’ აღიქმება უცხოელთა, რელიგიურ და პოლიტიკურ დისიდენტთა და საზოგადოებისაგან მოძულებულ სხვა სოციალურ უმცირესობათა ჩათვლით. ჩვენ უარვყოფთ ნებისმიერი სახის მანიქეური და გნოსტიკური პრინციპის დაყოფას, რომელიც აღმოსავლეთის წმინდა მართლმადიდებლურ კულტურას და მის ხალხებს უზნეო და გახრწნილ დასავლეთზე აღმატებულად წარმოაჩენს. განსაკუთრებით მანკიერი საქციელია სხვა ხალხების განსჯა სპეციალური ლიტურგიკული პეტიციების საშუალებით, რომლებიც მართლმადიდებელი ეკლესიის წევრებსა და მართლმადიდებელი ეკლესიის კულტურას აღაზევებს, ვითარცა სულიერად განწმენდილს ხორციელი, მიწიერი ბუნების "მწვალებლების’’ ფონზე.
5. "თქვენ კი წადით და ისწავლეთ, რას ნიშნავს ეს: წყალობა მნებავს და არა მსხვერპლი’’ (მათე 9:13, შდრ. ჰოსია 6:6; ესაია 1: 11-17).
ჩვენ ვამოწმებთ, რომ ქრისტე მოგვიწოდებს, რათა პირადი და საზოგადოებრივი ქველმოქმედება აღვასრულოთ ღარიბთა, მშიერთა, უსახლკაროთა, დევნილთა, ლტოლვილთა, სნეულთა და ტანჯულთა მიმართ, ვეძიოთ სიმართლე დევნილთათვის, მწუხარეთა და გაჭირვებულთათვის. თუკი ჩვენ მოყვასის ხმობას უგულვებელვყოფთ, თუკი ჩვენ ნაცვლად ამისა მას ვცემთ და გავძარცვავთ, და გზის პირას სასიკვდილოდ და სატანჯველად დავაგდებთ (ლუკა 10: 27-37), მაშ ჩვენ არ ვყოფილვართ ქრისტეს სიყვარულში ღვთის სასუფევლისაკენ მიმავალ გზაზე, არამედ ჩვენ თავი ქრისტესა და ეკლესიის მტრად გვიქცევია. ჩვენ მარტო იმისთვის კი არ ვართ მოწოდებულნი, რომ უბრალოდ ვილოცოთ მშვიდობისათვის, არამედ მოწოდებული ვართ რათა ქმედითად და წინასწარმეტყველთაებრ აღვდგეთ და ვამხილოთ უსამართლობა, ვქმნათ მშვიდობა თუნდაც ჩვენი სიცოცხლის ფასად, ,,ნეტარ იყვნენ მშვიდობისმყოფელნი, რადგან ღვთის შვილებად იწოდებიან ისინი’’ (მათე 5:9). ლიტურგიისა და ლოცვის მსხვერპლად შეწირვა, მაშინ როცა ჩვენ თვითონ არ ვეწირებით მსხვერპლად, ცოდვად გვეთვლება და წინააღმდეგობაში მოდის იმ მსხვერპლთან, რაც ქრისტეშია წარმოდგენილი (მათე 5:22-26, 1კორინთელთა 11 27: 32).
შესაბამისად ჩვენ უარვყოფთ და ვგმობთ, როგორც არამართლმადიდებლურს, სულიერი "მორჩილების’’ ნებისმიერ წახალისებას სამღვდელოთა და მორწმუნე ერისკაცთა შორის უმაღლესი მამამთავრიდან დაწყებული უმცირესი ერისკაცით დამთავრებული. ჩვენ უარვყოფთ მათ, რომლებიც მშვიდობისათვის ლოცულობენ, ამ დროს კი მშვიდობისყოფისათვის არაფერს აკეთებენ შიშის მიზეზითა თუ რწმენის უქონლობის გამოისობით.
6. "და უთხრა იესომ იუდეველებს, რომლებმაც ირწმუნეს იგი: თუ ჩემს სიტყვაში დამკვიდრდებით, ჭეშმარიტად ჩემი მოწაფეები ხართ. შეიცნობთ ჭეშმარიტებას და ჭეშმარიტება გაგათავისუფლებთ თქვენ’’ (იოანე 8: 31-32).
ჩვენ ვამოწმებთ, რომ იესო მოუწოდებს მოწაფეებს არა მხოლოდ შეიცნონ, არამედ ისიტყვონ კიდეც ჭეშმარიტება ,"არამედ თქვენი სიტყვა იყოს: ჰო, ჰო; და - არა, არა; ვინაიდან რაც ამაზე მეტია, ბოროტისმიერია“ (მათე 5: 37). მსოფლიოს სიდიდით მეორე სამხედრო ძალის სრულმასშტაბიანი თავდასხმა მეზობელ ქვეყანაზე არ არის უბრალოდ ,,სამხედრო ოპერაცია.’’ ,,მოვლენები’’ თუ ,,კონფლიქტი’’ ან სხვა რომელიმე ევფემიზმი, რომელიც მხოლოდ რეალობის უარყოფისთვისაა გამიზნული. სინამდვილეში ეს არის ფართომასშტაბიანი თავდასხმა რომელმაც უკვე გამოიწვია უამრავი საერო და სამხედრო პირის სიკვდილი, ორმოცდაოთხ მილიონზე მეტი ადამიანის ცხოვრების ძალადობრივი მოშლა და ორ მილიონ ადამიანზე მეტის იძულებით გადაადგილება და დევნილება (2022 წლის 12 მარტის მონაცემებით).სიმართლე უნდა ითქვას, რამედანაც მტკივნეულიც არ უნდა იყოს ის.
შესაბამისად, ჩვენ ვგმობთ და უარვყოფთ, როგორც არამართლამდიდებლურს, ყოველგვარ სწავლებასა თუ ქმედებას, რომელიც უარს ამბობს ილაპარაკოს სიმართლე ან აქტიურად ჩქმალავს სიმართლეს იმ ბოროტებათა შესახებ, რომლებიც იესო ქრისტეს სახარების წინააღმდეგ აღესრულება უკრაინაში. ჩვენ სრულებით ვგმობთ ყოველგვარ საუბარს ,,ძმათამკვლელ ომზე,’’ ,,რომელიც კაენის ცოდვის გამეორებაა, რომელმაც თავისი ბოროტების გამო საკუთარი ძმა მოკლა,’’ თუკი ამგვარი საუბარი ცხადად არ აღიარებს მკვლელობის განზრახვას და ერთი მხარის ბრალეულობას მეორის წინაშე (გამოცხადება 3:15-16).
ჩვენ ვაცხადებთ, რომ ჭეშმარიტება, რომელიც დავამოწმეთ და ცდომილება, რომელიც გავნსაჯეთ, როგორც არამართლმადიდბელური, დასაძირკვლებულია იესო ქრისტეს სახარებასა და მართლმადიდებლური ქრისტიანული სარწმუნოების წმინდა გარდამოცემას. ჩვენ მოვუწოდებთ ყველას, ვინც ამ სიტყვას იღებს და ეთანხმება, რათა საეკლესიო პოლიტიკაში გადაწყვეტილებათა მიღებისას ყურადღებით მოეკიდონ აქ განცხადებულ პრინციპებს. ჩვენ ვევედრებით ყველას, ვისაც ეს განცხადება ეხება, დაუბრუნდნენ ,,სულის ერთობას მშვიდობის საკვრელში’’ (ეფესელთა მიმართ 4:3).
2022 წლის 13 მარტი - დიდმარხვის პირველი კვირა (მართლმადიდებლობის ზეიმი)
ინგლისურიდან თარგმნა შოთა მათითაშვილმა
ხელისმომწერნი:
1 . Dr. Theofilos Abatzidis Volos Academy Greece
2 . Revd. Dr. Christophe D’Aloisio Institut Orthodoxe Saint-Jean-le-Théologien & Université catholique de Louvain Brussels, Belgium
3 . V. Revd. Robert M. Arida Boston, MA, USA
4 . Dr. Antoine Arjakovsky Collège des Bernardins Paris, France
5 . Prof. Susan Ashbrook Harvey Brown University RI, USA
6 . Dr. Nikolaos Asproulis Volos Academy Greece
7 . V. Revd. John Behr University of Aberdeen UK
8 . Dr. Ionut Biliuta Gh. Sincai Institute, Romanian Academy Romania
9 . Dr. Lori Branch University of Iowa IA, USA
10 . Revd. Dr. Radu Bordeianu Duquesne University Pittsburgh, PA, USA
11 . Revd. Dr. Ciprian Burlacioiu University of Munich Germany
12 . Sergei Chapnin Artos Fellowship Moscow, Russia
13 . Revd. Dr. John Chryssavgis Sydney College of Divinity Australia
14 . Editor in chief Jordan Georgiev Doxologia Infonews (Website for international church and religious news) Bulgaria
15 . Editor Alexander Angelov Doxologia Infonews (website for international church and religious news) Bulgaria
16 . Dr. Helen Creticos Theodoropoulos Chicago, IL, USA
17 . M.S., M.A. Nayla Debs France/Lebanon
18 . Prof. George E. Demacopoulos Fordham University New York, NY, USA
19 . Revd. Dr. Nicholas Denysenko Valparaiso University IN, USA
20 . Dr. Philip Dorroll Wofford College SC, USA
21 . M.A Costis Drygianakis Volos Academy Greece
22 . Revd. Dr. Brandon Gallaher University of Exeter UK
23 . Dr.; Senior Lecturer in Eastern Christian Studies Grant White Sankt Ignatios College, Stockholm School of Theology Stockholm, Sweden
24 . Prof. Paul Gavrilyuk Founding President, International Orthodox Theological Association, St. Thomas University MN, USA
25 . Peter Bylen United States
26 . Dr. Tamara Grdzelidze Ilia State University Tbilisi, Georgia
27 . Doctoral Student John Monaco Duquesne University Pittsburgh, PA (USA)
28 . Retired Anastasios Gounaris Formerly of Greek Orthodox Archdiocese of America Chania, Crete, Greece
29 . Professor Tatiana Pronina Leningrad State University Pushkin St. Petersburg, Russia.
30 . Rev. Dr. Perry Hamalis North Central College Naperville, IL, USA
31 . Ms Olga Kariatlis Australia
32 . Dr. David Bentley Hart University of Notre Dame IN, USA
33 . MA Nina Dippon Dippon Colorado Springs, CO
34 . Prof. Dr. Georgi Kapriev St. Кliment Ohridski University Sofia, Bulgaria
35 . Archim. Prof. Cyril Hovorun Stockholm School of Theology Sweden
36 . V. Revd. Dr. John A. Jillions Institute for Orthodox Christian Studies Cambridge, UK
37 . Dr. Pantelis Kalaitzidis Volos Academy Greece
38 . Prof. Christos Karakolis National and Kapodistrian University of Athens Greece
39 . Prof. Dr. Assaad Elias Kattan University of Münster Germany/Lebanon
40 . Dr. Lisa Holsberg Fordham University New York
41 . Dr. Nikos Kouremenos Volos Academy Greece
42 . Prof. Paul Ladouceur Trinity College, University of Toronto ON, Canada
43 . Dr. Sr. Vassa Larin Coffee with Sister Vassa Catechetical Programs Vienna, Austria
44 . Mika Peltola Finland
45 . Dr. Lucian N. Leustean Aston University Birmingham, UK
46 . Inga Leonova The Wheel Boston, MA, USA
47 . James L.M. Bloodworth United States
48 . M.A. Elijah John McKnight Orthodox Church in America United States
49 . Olga Lossky-Laham Paris, France
50 . Daniel Lossky Institut Orthodoxe Saint-Jean-le-Théologien Brussels, Belgium
51 . Lecturer Roger Coresciuc Faculty of Theology “Dumitru Staniloae” Romania
52 . V. Revd. Prof. Andrew Louth Durham University, UK and St Irenaeus Orthodox Theological Institute, Radbout University, Nijmegen Netherlands
53 . Prof. Vasilios Makrides University of Erfurt Germany
54 . Dr. Ina Merdjanova Trinity College Dublin Ireland
55 . Prof. Paul Micevych University of California Los Angeles CA, USA
56 . Dr. Alexandra de Moffarts Institut Orthodoxe Saint-Jean-le-Théologien Brussels, Belgium
57 . PhD Universite de Paris IV-Sorbonne Teodor Baconschi Romanian MFA Bucharest Romania
58 . Prof. Dimitrios Moschos National and Kapodistrian University of Athens Greece
59 . Dr. Hermina Nedelescu Scripps Research CA, USA
60 . Prof. Michael Ossorgin Fordham University New York, NY, USA
61 . Dr. Paul Meyendorff St Vladimir’s Orthodox Theological Seminary NY, USA
62 . V. Revd. Prof. Michael Plekon The City University of New York – Baruch College NY, USA
63 . Dr. Ashley Purpura Purdue University IN, USA
64 . Dr. Teva Regule President, Orthodox Theological Society of America USA
65 . V. Revd. Richard René University of Toronto ON, Canada
66 . Prof. Svetoslav Riboloff Sofia University “St. Kliment of Ochrid” Bulgaria
67 . Dr. Sarah Riccardi-Swartz Arizona State University AZ, USA
68 . Revd. Dr. Anthony Roeber St. Vladimir’s Orthodox Theological Seminary New York, NY, USA
69 . Dr. Robert Saler Christian Theological Seminary Indianapolis, IN, USA
70 . Prof. Kerry P. C. San Chirico Villanova University PA, USA
71 . Deacon Ron Boyer www.gci.org U.S.A.
72 . Prof. Stephen J. Shoemaker University of Oregon Eugene, OR, USA
73 . Dr. Constantin Sigov National University of Kyiv-Mohyla Academy and “Dukh i Litera” [Spirit and Letter] Research and Publishing Association Kyiv, Ukraine
74 . Dr. Cyrille Sollogoub Institut Orthodoxe Saint-Jean-le-Théologien Brussels, Belgium
75 . Prof. Katerina Tsalampouni Aristotle University of Thessaloniki Greece
76 . Captain Alexander N. Soukhanov United States of America
77 . Prof. Lucian Turcescu Concordia University Montreal, QC, Canada
78 . M.Th Georgios Vlantis Volos Academy Greece/Germany
79 . Dr. Nicolae Roddy Creighton University USA
80 . Dr. Katherine Kelaidis USA
81 . Archim. PhD Anton C. Vrame Holy Cross Greek Orthodox School of Theology MA, USA
82 . Prof. Gayle Woloschak Northwestern University Chicago, IL, USA
83 . Diane Beck All Saints of North America Orthodox Church Albuquerque, NM, USA
84 . Dr. Nathaniel Wood Fordham University New York, NY, USA
85 . Revd. Dr. Victor Yudin Leuven, Belgium
86 . MDiv Orthodox Theology John Heropoulos USA
87 . Dr Sebastian Brock Oriental Institute, Oxford University UK
88 . Katie Cokinos Saugerties, New York, USA
89 . Lars Ahlbäck Finland
90 . Prof. Nicholas Sooy Fordham University NY, USA
91 . REVEREND PROTOPRESBYTER ROBERT ATHAS METROPOLIS OF BOSTON BROOKLINE, MASSACHUSETTS
92 . Prof. Luis Salés Scripps College Claremont, California
93 . Dr. Jane Yank United States
94 . (Rev) Dr Reijnen Anne Marie Theologicum ( Institut Catholique de Paris) / Paris ( France)
95 . Professor Petr Kratochvíl Sciences Po Paris
96 . Dr. Dimitrios Keramidas Center for Ecumenical, Missiological and Environmental Studies “Metropolitan Panteleimon Papageorgiou” (CEMES) Rome, Italy
97 . Hratsch Sarkissian Armenia
98 . Dr. Dimitrios Baltas Athens Greece
99 . Doctor Anna Meyendorff Washington, DC
100 . David Kinasevych Canada
101 . Professor of English Scott Cairns Seattle Pacific University USA
102 . Rev. Dr Athanasius McVay Chair of Ukrainian Studies, University of Toronto Edmonton, Alberta
103 . Mykola Osypenko University of Fribourg Switzerland
104 . Revd Dr Andreas Andreopoulos University of Winchester United Kingdom
105 . Mr. Nektarios Cooper N/A Cave Spring, GA, USA
106 . V. Rev’d Dr. Cyprian Robert Hutcheon McGill University, Montreal (retired) Canada
107 . Dr. Daniel F. Stramara, Jr. Rockhurst University Kansas City, MO USA
108 . Kristjan Otsmann Estonia
109 . Professor Emeritus Daniel J. Sahas University of Waterloo Waterloo, Ontario CANADA
110 . Professor Torstein Theodor Tollefsen University of Oslo Norway
111 . Associate Professor Nicolae Turcan Babeș-Bolyai University Cluj-Napoca
112 . Theologian Vasiliki Giannoutaki Volos Academy Greece
113 . Mr. Staasi Heropoulos USA
114 . Rev Dr Geoffrey Ready Orthodox School of Theology at Trinity College, University of Toronto Toronto, Canada
115 . MA Theology Ruth Nares UK
116 . The Ignacio Ellacuria Chair of Catholic Social Thought Peter Phan Georgetown University USA
117 . Prof.Dr. Hille Haker Loyola University Chicago USA
118 . Professor Charles Lock University of Copenhagen Denmark
119 . Dr Viorel Coman KU Leuven Belgium
120 . Lecturer David Goodin McGill University Montreal
121 . Dr. Candace Hetzner Boston College Boston
122 . Dr. Fellow. Dr. Christina Nellist Oxford Centre for Animal Ethics London, UK
123 . Dr. Alexei Bodrov Moscow, Russia
124 . Cécile Joris Belgium
125 . Dr. Cergan Daniel Bucharest University Romania
126 . The Rev. C. Brent Hoy-Bianchi ELCA Reno, Nevada, USA
127 . Private citizen Michael Żurowski none Warsaw, Poland
128 . Associate Professor Kyriakos Kalaitzidis University of Ioannina Greece
129 . Assoc. Prof. Athanasios Papathanasiou Highest Ecclesiastical Academy of Athens Greece
130 . Colin Justin Grimmond Windsor, Ontario, Canada
131 . Professor Joseph Famerée Université catholique de Louvain (Louvain-la-Neuve) Belgium
132 . Rev. Bohdan Hladio Toronto School of Theology Toronto
133 . Rev. Archdeacon Vsevolod Borzakovsky Member Archdiocesan Council – Archdiocese of Western Europe Rome
134 . Metropolitan of Nigeria Alexander Gianniris Patriarchate of Alexandria and all Africa Nigeria
135 . Assistant Professor Theodor Avramov Sofia University “St. Kliment of Ochrid” Bulgaria
136 . Doctor in Theology de Saint Chamas Loys Studium Notre-Dame de Vie France
137 . Dr Vitalii Tkachuk City Museum “Spiritual Treasures of Ukraine” Ukraine
138 . Archimandrite Alexis Milyutin Métropole Orthodoxe en France ( PO). Vicariat de St Marie et St Alexis d’Ugine France
139 . Margaret Klarer St.Anthony Orthodox Church in Bergenfield NJ Jersey USA United States of America
140 . Aleksandar Miljkovic London
141 . Doctor Isaia Gazzola Theologicum – Institut catholique de Paris Paris
142 . Richard Crook Jackson, NH USA
143 . Dr. jur. Diogenis Karagiannakidis None Thessaloniki – Greece
144 . Revd. Dr. Mark Roosien Yale Institute of Sacred Music CT, USA
145 . Christian A. Schwarz NCD International Emmelsbüll, Germany
146 . Miss Susan Parkinson Bachelder Trinity Episcopal Church Lenox, Ma.
147 . Prof. Nathan Dinneen Rochester Institute of Technology Rochester, New York, USA
148 . DESS Droit public Javanni Jean Retired PARIS
149 . Dr. and Mrs. Raymond and Irene Benton Loyola Iniversity Chicago Chicago, Illinois, USA
150 . Professor Antoine Courban Higher Education Council LEBANON
151 . Dr Nadia Delicata Faculty of Theology, University of Malta Malta
152 . Dr Tornike Metreveli Lund Universitz Sweden
153 . Mr. Michael Koulos NAPERVILLE, IL USA
154 . Basil Lourié Scrinium. Journal of Patrology and Critical Hagiography Russia
155 . Sîrghi Ana-Maria Bucharest, Romania
156 . Mykola Osypenko University of Fribourg Switzerland
157 . Assistant Professor Stavros Yangazoglou National and Kapodistrian University of Athens, Greece Athens
158 . Dr. Georgios Basioudis Germany
159 . Dr Deirdre Good Stevenson School of Ministry Harrisburg, PA
160 . Professor Daniel Struve Paris Cité University Paris, France
161 . Rossitza Osthus Bochum, Germany
162 . Msc, Teacher of Theology Leonidas Telios Lykeum of Larissa Larissa Greece
163 . LMSW Demetra DeFeo Fordham University United States
164 . Dr. Ioannis Kaminis Sofia University “St. Kliment Ohridski” Sofia
165 . Prof. Dr. Norbert Hintersteiner Westfälische Wilhelms Universität Münster Germany
166 . Dr. Dominika Kurek-Chomycz Liverpool Hope University UK
167 . Hugh Allen Orthodox Parish of the Holy Prophet Elias Exeter
168 . PhD. Petr Jandejsek Charles University Prague Czech Republic
169 . Prof..dr. Didier Pollefeyt Faculty of Theology and Religious Studies KU Leuven Belgium
170 . Professor Gregory Bloomquist Faculty of Theology of Saint Paul University Canada
171 . Ph.D. Mary Jane Maxwell USAID Washington DC
172 . Professor Lyle Mook University of Rhode Island Kingston, RI, USA
173 . Professor Anne Vandenhoeck KU Leuven Belgium
174 . Prof. Dr. Reimund Bieringer Katholieke Universiteit Leuven Belgium
175 . Rod Miller-Boyer Landers
176 . Layperson Deborah (Malacky) Belonick graduate of St. Vladimir’s Orthodox Theological Seminary, USA Warren, OH
177 . George Bedrin United States
178 . Dr. Adjunct Professor, Retired William Samsonoff SUNY Albany School of Public Health USA
179 . Dr. Will Cohen University of Scranton U.S.
180 . Tony Chakar Beirut, Lebanon
181 . Dr Patrick Hampshire FRSA United Kingdom
182 . The Very Rev. Dr. Michael Sniffen Cathedral of the Incarnation Garden City, NY
183 . John Paterakis Vice Chairman, The Ecumenical Trust New York
184 . john babetas montreal, canada
185 . Prof. Lavinia Stan St. Francis Xavier University Canada
186 . Igor Babich Ukraine
187 . Colin MacIntyre Calvary Community Church Canada
188 . Dr. Charalambos Dendrinos Royal Holloway, University of London United Kingdom
189 . ArchPriest Daniel Guenther Orthodox Church in America Saskatoon, Canada
190 . Yelena Bolshakova Belgium
191 . None Dale Simison None United States
192 . Dr Chrysovalantis Kyriacou Theological School of the Church of Cyprus Cyprus
193 . V. Revd. Prof. Sergio E. Mainoldi Milan, Italy
194 . Artist and Icon Painter Edith Mary Isabel Reyntiens Thyateira Diocese of the Greek Patrirchate Scotland
195 . Rev’d Fr. David Austin Anglican Manchester UK
196 . Michael Berrigan Clark Editorial Staff, The Wheel USA
197 . ABD Dr. Theology Pantelis Levakos National and Kapodistrian University of Athens Greece
198 . Mark Anthony Sweere OCA United States
199 . V. Rev. Dr. Isaac Skidmore Southern Oregon University Ashland, OR, USA
200 . The Rev. Robert Michael Pickel Brunswick, Maine USA
201 . Dr Nikolaos Raptis Mary Raptou School SA Larissa Greece
202 . Orthodox Christian Carol Kerler USA
203 . Jack Darakjy Syriac Orthodox Church of Antioch USA
204 . Revd Dr Helen Paynter Centre for the Study of Bible and Violence, Bristol Baptist College UK
205 . Professor Michael Budde DePaul University Chicago, USA
206 . Mary Werbiansky United States
207 . Rev. Constantine Wright Athens, GA USA
208 . Lecture in Orthodox Canon Law Vladimer Narsia Ilia State University (Georgia) Georgia
209 . Aiad Jabbour Germany
210 . Prof. Terence Cuneo University of Vermont US
211 . Reader Daniel (Maximus) Nicholas Archangel Gabriel Orthodox Church (OCA) Ashland, Oregon, USA
212 . Rt Revd Dr Lynn Elizabeth Walker Orthodox Catholic Church of America New York
213 . Dr. Chrysostom Koutloumousianos Cambridge Institute for Orthodox Christian Studies Naxos, Greece
214 . Dr. Maria Calisi St. Peter’s University Jersey City, NJ, USA
215 . Mth Guram Lursmanashvili Sulkhan-Saba Orbeliani University Tbilisi
216 . V. Revd. Dr. Leonide Ebralidze Pontifical Lateran University Rome, Italy
217 . VRev. Professor Denis J. M. Bradley Bradley Georgetown University /St. Nicholas Cathedral Washington
218 . M.A, ThM Claire Koen Fordham Boston
219 . Jacob Pederson St Gregorios Orthodox Church Spokane
220 . Journalist following religious issues Riccardo cristiano Reset doc Rome
221 . Student Steven Roberts Saint Vladimir’s Orthodox Theological School United States
222 . ΜΑ Maria Nanou University of Thessaly Volos, Greece
223 . Dr Norman Russell St Stephen’s House, University of Oxford France
224 . Just another sinner Kathleen Licoppe St-Demetrios Greek Orthodox Church Winnipeg Canada
225 . Professor, DPhil Kalin Yanakiev Sofia University “St. Kliment Ohridski” Sofia
226 . Dr. GOCHA BARNOVI Sulkhan-Saba Orbeliani Univeristy Tbilisi, Georgia
227 . Professor of Clinical Medicine Emeritus Christopher Mathews University of California San Diego United States
228 . Anna Pasechnik UK
229 . Rick Zajac USA
230 . Father Gabriel Talley Retired Orthodox Priest USA
231 . Ryan Klein Boston College Boston
232 . Barbara Coker England
233 . Adrian Tanasescu-Vlas Fundaţia Culturală “Gândul Aprins” Bucharest, Romania
234 . Director of Catholic Studies Michael Baxter Regis University Denver CO
235 . Dr. Raluca Arfire Bucuresti, Romania
236 . Doctoral Student Christopher Larsen Fielding Graduate Institute Santa Barbara California USA
237 . Rt. Rev. Dr. Stephen Duncan OCCA Galveston, Texas
238 . Diethelm Adlunger Deutschland / NRW
239 . James Bouse USA
240 . Maguire University Professor of Ethics D. Stephen Long Southern Methodist University USA
241 . Assoc. Prof. (Emerita) Patricia Hardesty James Madison Univ. USA
242 . Undergraduate student of Theology Guram Papava Aristotle University of Thessaloniki Georgia
243 . Rev’d David-John Williams University of Saint Katherine and The Institute for Orthodox Christian Studies, Cambridge. San Diego
244 . Katherina Wlasenko Canada
245 . Amber Schley Iragui Portland, Oregon
246 . Dr Alexis Richard Cooper McGill University Canada
247 . Judith Phillips Waterford, Michigan USA
248 . PhD Candidate; Editor Giacomo Sanfilippo Trinity College, University of Toronto; Orthodoxy in Dialogue Toronto, Canada
249 . DPT Joanna Efstathiou-Dittmar White Plains, NY, USA
250 . Mifflin Ann Saavedra Concord International Church USA
251 . Professor of Theology Barry Harvey Baylor University USA
252 . Dr. Aram G. Sarkisian Northwestern University Evanston, IL, USA
253 . Executive Presbyter Lisa Allgood Presbytery of Cincinnati, PCUSA Cincinnati, OH
254 . PhD candidate Paraskevi Arapoglou Aristotle University of Thessaloniki Greece
255 . Dr Laura Archer Independence, OR, USA
256 . Andrew Taylor USA
257 . Bojidar Kolov University of Oslo Norway
258 . Dr Thomas Arentzen Uppsala University Sweden
259 . Pr. Răduț Seliște Marcel Romanian Orthodox Church România
260 . M. Sc. Andre Sytnyk Ukrainian Orthodox Church in Ukraine U.S.A
261 . Daniel Lightsey Southern Methodist University Dallas, Texas, USA
262 . Presvytera Dr. Kyriaki FitzGerald Co-founder & Exec. Director, Saint Cathrine’s Vision Sandwich, Massachusetts, U.S.A.
263 . VREV Peter Baktis Orthodox Church in America USA
264 . M.A. Daniel Heide McGill University Canada
265 . Rev. Dr. Emanuel Chris, M.D., M.Div. Mansfield, MA
266 . Fr. Dr. Arsenius Mikhail St. Athanasius & St. Cyril Theological School Anaheim, California, USA
267 . Theodore Stepp Majuro, Republic of the Marshall Islands
268 . Dr Razvan Porumb Institute for Orthodox Christian Studies Cambridge
269 . Petra Gorisek Kiev Messianic Jewish Congregation Croatia
270 . M. Rev Lazar Puhalo OCA Dewdney, Canada
271 . Paul Shannon NL
272 . Mihaela Tarpa Paris, France
273 . Archimandrite James Babcock Eparchy or Newton Oceanside CA
274 . David Mohler St. Paul the Apostle Orthodox Church Dayton, OH
275 . Educator Edward Stepanian Mr USA
276 . Soultana Gargana Greece
277 . Rt. Rev. John F. Newbauer Orthodox-Catholic Church of America Fort Wayne, IN 46825
278 . Mr Philip Babcock Christian Church USA
279 . Professor William Cavanaugh DePaul University Chicago, USA
280 . Kristjan Mänd Estonia
281 . Pauline Costianes Westland, MI USA
282 . Yvette Cuny United States
283 . Professor Stamatis Vokos California Polytechnic State University San Luis Obispo, CA, USA
284 . Dr. Andrew Nosal University of San Diego San Diego, CA, USA
285 . Aarne Lozano USA
286 . V Rev. Dr. Gabriel Rochelle St. Sophia Orthodox Theological Seminary; New Mexico State University New Jersey and New Mexico, USA
287 . Professor Heather Bailey University of Illinois Springfield USA
288 . Mr Daniel Li University of Exeter Exeter
289 . Matt Salter None but Christian solidarity with good people around the world. United States
290 . Leslie Luppino USA
291 . Dr. Charles Tieszen Fuller Theological Seminary Austin, USA
292 . Dr Annette Bakker Children’s tumor foundation Usa
293 . Rev. Konstantinos Sarantidis Portland, Maine USA
294 . Tamara Penwell UK
295 . V. Rev Marc Dunaway Eagle River Institute Eagle River, Alaska
296 . V. Rev Marc Dunaway Eagle River Institute Eagle River, Alaska
297 . Adjunct Professorial Lecturer Eric Terzuolo American University, School of International Service Washington, DC
298 . Paul Pasarivakis University of Laval Canada
299 . Caitilin Kane USA
300 . Albert Edward Meisenbach III USA
301 . John Congdon Oberlin College Oberlin, Ohio, United States of America
302 . Jeffrey Stephens City of Durham, USA
303 . Richard Mohr Fountain Valley, California
304 . Steven Fullmer USA
305 . Rev’d Dr. Theodore Pulcini Carlisle, PA
306 . Professor Caryl Emerson Princeton University
307 . Presbytera Dr. Catharine Roth independent scholar United States
308 . Nicholas Palos NYS Courts New York
309 . Very Reverend Matyas of Canada Orthodox Church of Canada Toronto
310 . Wayne Tatusko St. Mark OCA Annandale, VA
311 . Fr. Paul Schmidt Holy Wisdom Orthodox Church United States
312 . Rev. Dr. Stephen V. Sprinkle Brite Divinity School Fort Worth, Texas USA
313 . C. Stoppa Canada
314 . Dr. Scott Ables Oregon State University Portland, Oregon, USA
315 . Metropolitan EDMUND Cass Holy Cross Minastery Greenville, SC
316 . Associate Professor of Historical Theology and Christian Worship L. Edward Phillips Phillips Emory University, Candler School of Theology United States of America
317 . Cathy Nemtsov United States
318 . Very Reverend Joel Weir Orthodox Church in America Crawfordsville, IN
319 . Fr Dragos Herescu Institute for Orthodox Christian Studies Cambridge
320 . Rev. Andrew Wollitzer Berkeley Covenant Church Berkeley, Ca
321 . Retired professor/ independent scholar Valerie Karras St. Louis, Missouri, USA
322 . B.Mus. Horia Vlad Guzu Guzu.ca Montreal, QC, Canada
323 . Basil Varghese India
324 . The Rev. Deacon James Neal Orthodox-Catholic Church of America United States
325 . Matthew Dodrill United States
326 . Dr. Oucèma Lionel Karam Ohio University USA/France/Lebanon
327 . Dr. Vasyl Rudeyko Ukrainian Catholic University Lviv Ukraine
328 . V. Rev. Dr. Gregory Roth Spokane Falls Community College USA
329 . Dr Tarek Mitri Saint George University Beirut. Lebanon
330 . Rev. Andrew Wollitzer Berkeley Covenant Church Berkeley, Ca, USA
331 . Dr. Maria Rybakova Nazarbayev University Kazakhstan
332 . Dr. Alison Kolosova University of Tartu Estonia
333 . Enseignant-chercheur JEROME CLER Sorbonne-Université FRANCE
334 . Ph Doctor in Foundametal Theology Claudio Monge Black Friars Istanbul
335 . Barbara Personnaz Montreux, Switzerland
336 . Dr James Chater France
337 . Kristin Rountree USA
338 . LLM Manos Androulakakis Heraklio Crete
339 . Rev Dr Craig de Vos North Adelaide, Australia
340 . PhD Candidate Raul-Ovidiu Bodea KU Leuven Leuven, Belgium
341 . professor emeritus theological ethics burggraeve roger Catholic University Leuven Belgium
342 . Dr Kristian Gustafson Brunel University London United Kingdom
343 . Sören LENZ CEC Strasbourg office France
344 . Prof. Dr. Georgi Kapriev St. Kliment Ohridski University Sofia, Bulgaria
345 . Dr. Dragos Calma University College Dublin Dublin (Ireland)
346 . Phd in Philology Magdalini Thoma Volos Academy for Theological Studies Greece
347 . Prof. Ivan Christov Sofia University Bulgaria
348 . Alex Lockhart Archangel Gabriel Church, OCA Ashland, Oregon, USA
349 . Rev. Vassileios Argiriadis Athens, Greece
350 . Profesor Giovanna Brogi University of Milan Italy
351 . Revd Stephen Overduin Church of the Nazarene The Netherlands
352 . Ing Rothuizen Henk Founder of Rafael Netherlands Netherlands
353 . Dr. Stanislau Paulau Leibniz Institute of European History Mainz, Germany
354 . Rev. Dr. Amy Jacober Phoenix, AZ, USA
355 . Lic. Theology Mikheil Nebieridze Catholic University of Eichstaett-Ingolstadt Tbilisi, Georgia
356 . Protopresbyter Anastasios Kousoulas St. Anna GOC Flemington, NJ, USA
357 . PhD in Philosophy Vitalii Ihnatiev Donetsk National Medical University Kropyvnytskyi_Ukraine
358 . President Lina Moukheiber Elias Moukheiber Institute for Lebanon Lebanon
359 . J.D. William Korahais Paris, France
360 . Dimitar Kanariev London
361 . Graduate Diploma in Kingdom Theology, 3rd year Masters Kingdom Theology Dolores Cunniffe Westminster Theological Centre (WTC) UK
362 . Dr. Charles Herdy Brisbane, Australia
363 . John Andres Canada
364 . Ryszard Bosakowski Poland
365 . Prof. Dr. Martin George University of Bern, Theological Faculty Switzerland
366 . Ryszard Bosakowski Warsaw, Poland
367 . Pastor, Scholar, Author, Podcaster Dwight A Moody, Ph D Founder and Host, The Meetinghouse St Simons Island, Georgia
368 . Dr Lukasz Nazarko Member, Commission of the Churches on International Affairs (World Council of Churches) Poland
369 . Brandy Elliott USA
370 . The Rev. Jeffrey Douglas ECUSA USA
371 . PH.D., Dr. Hab. Nicolas Borissoff Moscow Institute of Physics and Technology Moscow, Russia
372 . Dr Lawrence Osborn Glasgow, Scotland
373 . Revd. Prof. Dr Marek Ławreszuk University of Bialystok, Chair of Orthodox Theology Poland
374 . Dr. George Stavros Boston University USA
375 . Marilyn Rouvelas Arlington, Virginia
376 . Ph.D. Andrii Bobryk Rivne
377 . Father John Bingham OCA Canada CanadaB
378 . Susan Gunn Maryknoll Office for Global Concerns Washington, DC, USA
379 . Jaana Hinkkanen New York
380 . Dr. Nic Hartmann Iowa, USA
381 . Archpriest Zaza Tevzadze Ilia State University Tbilisi, Georgia
382 . Prof. William Evans Erskine College Due West, South Carolina, USA
383 . Dr. Antonios Kireopoulos USA
384 . Ph.D., M.A. Bronislaw Andrzej Bartusiak freelancer Poland
385 . Rev. Aaron Rathbun Choate Rosemary Hall Connecticut, USA
386 . Rev. Dr. John Yoegel Orthodox Catholic Church of America Greenwich
387 . Dr. Laela Zwollo Tilburg School of Theology Tilburg Netherlands
388 . Co Director of the E-Quip Course in Orthodox Faith and Life The Very Reverend Archpriest Gregory Hallam UK
389 . Martin Olsson North Tawton, Devon, UK
390 . Dr. Walter D. Ray Southern Illinois University Carbondale USA
391 . Najib Coutya United Kingdom
392 . Диакон Иоанн (Deacon Ioann) Мыздриков (Myzdrikov) Moscow, Russia
393 . Father Anish Varghese Jacob Malankara Orthodox Syrian Church Mumbai, India
394 . V.Rev. Dr. Robert Holet Ukrainian Orthodox Church of the USA USA
395 . Dr. Elisabeth Alexandra Diamantopoulou Université Catholique de Louvain Belgium
396 . Professor Emerita Gloria Durka Fordham U. _GSRRE Bronx, New York
397 . Dr. A Edward Siecienski Stockton University USA
398 . Reverend Michael Green OCCA United States of America
399 . Prof. Dr. John Fotopoulos Saint Mary’s College Notre Dame, IN USA
400 . Suzanne Marie Mathieu United States of America
401 . Bookstore Director Cynthia Siokos St Anna Greek Orthodox Church Roseville CA
402 . Reverend Gill Wells Church of England Norfolk
403 . Dr. Natalia Zajac University of Manchester United Kingdom
404 . Jill Acree Presbyterian Church (USA) Ada, OK, USA
405 . Peter King United Kingdom
406 . Rev’d Fr Chrysostom MacDonnell St Dunstan’s Antiochian Orthodox Church Poole
407 . Prof. emiritus V. Rev. John Breck St Sergius Theological Institute Paris, France
408 . professor Ingeborg Gabriel University of Vienna Austria
409 . Turini Catherine Métropole de France Sète (France)
410 . Diaconate Candidate Nicholas Mataya Mission Institute of the Eparchy of St. Nicholas USA
411 . Cand.theol, minister Church of Sweden. Reine Medelius Mariestad Sweden
412 . John Guentz Cincinnati
413 . BD George Weymont St Aidan’s Orthodox Church Manchester
414 . Dean of Theology V.Rev. Fr. Dr. Roman Bozyk St. Andrew’s College in Winnipeg Winnipeg, MB. Canada
415 . Revd. Dr. Emmanuel Kahn Co-Director of the E-Quip Course in Orthodox Faith and Life, UK United Kingdom
416 . DAVITI NEBIERIDZE GEORGIE
417 . Dr. Petre Guran Institute for South-East European Studies Bucharest, Romania
418 . Bishop dr teol Kari Veiteberg Church of Norway Oslo
419 . Dr Talitha Cooreman-Guittin UCLille France
420 . Mike Sauer United States of America
421 . Rev. Alionidas Budrius Šiauliai Dioecese LithuaniaO7CVACB
422 . Instructor Thomas Fuschetto South Texas College McAllen, Texas, USA
423 . Lorraine Ahladas Springfield, MA
424 . Michael Ambrose St. Dunstan’s Antiochian Orthodox Church Poole, UK
425 . Master in philosophy and theology Salembier Pierre Jesuits Athènes
426 . Pierre Bennigsen Bruxelles, Belgium
427 . Professor Roman Vershynin California, U.S.A.
428 . Dr. Triantaphyllos Ramón Pérez Cuba
429 . Dr. Tamar Goguadze Tbilisi, Georgia
430 . V. Rev. Dr. Stelyios Muksuris Byzantine Catholic Seminary United States
431 . Diana Margaret Dunlap Salem, Massachusetts, USA
432 . Andriy Dudchenko Kyiv Orthodox Theological Academy Kyiv, Ukraine
433 . V. Rev. Archpriest Richard Cleaver St. Thomas, US Virgin Islands
434 . Richard Barrett Boston, MA USA
435 . Rev. Vasileios Margiannis Petri Greece
436 . Douglas Sponsler Würzburg, Germany
437 . MD Ilkka Soini Finland
438 . Dr. Peter Potamianos Greek Orthodox Church United States
439 . Celia Olsson Prophet Elias Parish in Devon Exeter, UK
440 . Ekaterina Kroumova Belgium
441 . Maraite Serge European Union – European Commission Brussels Belgium
442 . Rt. Rev. Anthony Edmund E. Kubiak, Jr. Ellisville, MO USA
443 . Assistant Professor of Physics Alexander Sich Kennesaw State University Kennesaw, GA U.S.A.
444 . Prof. Vassilis Saroglou UCLouvain (Louvain-la-Neuve) Belgium
445 . Doctoral Student Preston Frasch University of Cincinnati United States
446 . Dr. Ari Koponen University of Eastern Finland Finland
447 . Ms Monica Ibrahim Sydney, Australia.
448 . noel dicarlo USA
449 . Dr. Mara Livezey Ferndale
450 . Reverend Daniel Johnson Hilmar Covenant Church Hilmar CA
451 . Dr Martin Dudley Queen’s Foundation for Ecumenical Theological Education Birmingham, U.K.
452 . Dr., Associate Professor of Practical Theology Pekka Metso University of Eastern Finland Finland
453 . Priest Leonard Herrem orthodox Church in America Canada
454 . Dawn Helene New York
455 . Deacon Phil Loveless OCCA United States
456 . Dr. Dmitry Biriukov Russia
457 . Rev. Dr. Nan Alexandru Romanian Orthodox Church Munich
458 . Dr. Talvikki Ahonen University of Helsinki Finland
459 . Dean of Theology & Culture Bradley Jersak St Stephen’s University St. Stephen, Canada
460 . Clifford Polubinsky Othodox-Catholic Church of America United States
461 . Professor of Christian Anthropology Emanuele Rimoli Seraphicum Italia
462 . Assistant Director of Music Activities & Adjunct Faculty Christine Nass Villanova University , Villanova, PA, United States of America
463 . Professeur André LOSSKY Institut de Théologie orthodoxe Saint-Serge Paris, France
464 . Juhana Siren Joensuu
465 . Dr Kamen Rikev Maria Curie-Sklodowska University Lublin, Poland
466 . Dr. Andrew Klager Institute for Religion, Peace and Justice (St. Stephen’s University) Canada
467 . Dr Dimitris Angelis Frear Magazine Greece
468 . PhD Lucifer Bon-Nero Norbulingka Institute Tibet
469 . Professor Stig Simeon Frøyshov University of Oslo Norway
470 . Dr. Pandora Dimanopoulou EP Brussels
471 . Vicar Andrea Delaney ELCA IL, USA
472 . Retired Teacher of Mathematics Wolodymir Katolik None Philadelphia, Pennsylvania, USA
473 . Georgios Floros Thessaloniki, Greece
474 . Μαρία Χατζηαποστόλου Ελλάδα
475 . Associate Professor Tamaz Gabisonia Ilia State University Georgia
476 . Konstantin Sermyagin USA
477 . Father Dimitrios Maroulis Greece
478 . Mr. Mark POWELL, M.A. Executive Director, Cappella Romana Portland, Oregon, USA
479 . Professor Konstantinos Kornarakis National and Kapodistrian University of Athens Athens
480 . The Very Rev’d Tom Malionek Saint Paul’s Episcopal Church Kinderhook, New York
481 . Dr Olga Sevastyanova Orthodox Research Group of St. John Chrysostom Aberdeen UK
482 . Dr. Brian Volck Ecumenical Institute, St.Mary’s Seminary and University Baltimore, MD, USA
483 . Strategist/Qualitative Research Director Steven Lacey Chichester
484 . Sandra J Hladky Crest Hill, IL USA
485 . Dr MSc B Kirova Cambridge UK
486 . Anna Likhovidova Rome
487 . Archimandrite Savva Hamalii St. Iona’s monastery Kyiv, Ukraine
488 . Rev. Dr. (Prof. Emeritus) John D. Jones Marquette University (Philosophy); Priest, OCA. WI, USA
489 . Dr. Lewis J Patsavos Holy Cross Greek Orthodox School of Theology Brookline, MA / USA
490 . Dr Elias Habib Nasser School of Medicine, University of Wollongong Australia
491 . Reverend Rodolphe Faustin Moussinga Cameroon (Douala) / Turkey (Istanbul)
492 . Pieter Dykhorst Orthodox Peace Fellowship and In Communion USA
493 . Chloé Taylor UK
494 . Fr. Basil Bush Formerly of University of Vienna Austria
495 . Joana Tasi USA
496 . Bachelor of Arts Tatiana Vystavkina N/a UK
497 . V. Rev. Vasyl Sendeha UOC of USA United States
498 . Dr Theodora Panella Katholieke Universiteit Leuven Belgium
499 . Reverend Julian M Reese InterVarsity Christian Fellowship/USA Knoxville, Tennessee
500 . Seraphim Alton Honeywell Orthodox Parish of the Annunciation in Oxford United Kingdom
501 . Filipe Zomkowski Ucranian Orthodox Brazil
502 . Dr. Scott Easton Boston College Chestnut Hill, MA
503 . Presiding Priest Rev. Dr. Harry Pappas Archangels Greek Orthodox Church Stamford, CT
504 . Rev. Dr. R. Guy Erwin President of the United Lutheran Seminary (ELCA) Philadelphia & Gettysburg, PA, USA
505 . Revd. Fr. Matthew Francis Holy Apostles Orthodox Church, (OCA) Archdiocese of Canada Canada
506 . Rev. Philip Maikkula Chicago
507 . Rev. Mark Gazin, CSB, BA, M.Div., MA, JCL Regional Marriage Tribunal Vancouver, Canada
508 . Rev Andrew Applegate St. Aidan Orthodox Church Cranbrook BC Canada
509 . Dr George Domazetis La Trobe University Australia
510 . A sinner Anna Korsun St. Michael’s & St. George’s Ukrainian Orthodox Church Saint Paul
511 . Janet Pedersen Llano, Texas
512 . Professor and Assistant Dean of Global Programs Thomas M. Crea Boston College Chestnut Hill, MA USA
513 . Dr. Catherine Mardon Order of St. Sylvester Canada
514 . Elisangela Maceda Londrina – Brazil
515 . Rev. Dr. Timothy Hallman YMCA & Church of the United Brethren in Christ Fort Wayne, Indiana, USA
516 . Alexander Drach Cincinnati
517 . Doctoral candidate Lance Green University of St Andrews USA
518 . Alex Turchak LAND O LAKES, FL, USA
519 . Elena J. Drach United States
520 . Dr. Norris Friesen Huntington University, retired Huntington, IN USA
521 . Warren Schmidt Canada
522 . Rev. Assoc. Prof. Jason Goroncy University of Divinity Australia
523 . Author Fr John Oliver Theophany Academy Murfreesboro, Tennessee, USA
524 . M.A. Seraphim Winslow Orthodox Church of America PINE GROVE
525 . Dr. Khegan Delport Stellebosch University South Africa
526 . Joshua Roach San Diego
527 . MSc Phys. Cosmin Vatra Romania
528 . PhD Student Jeremy Chen Fuller Seminary, Intercultural Studies Philadelphia, PA, USA
529 . katherin george golitzen orthodox church in america istanbul, turkeyand oakland, ca
530 . Revd Stefan Fraiman Orthodox Church of Estonia Tartu
531 . The Reverend Josefina Beecher The Episcopal Diocese of Olympia USA