ზელენსკი: უკრაინის წინააღმდეგ ყოველი გასროლით, რუსეთი საკუთარ თავს ინადგურებს

ჩვენ ვიბრძვით სიცოცხლისთვის, ვიბრძვით ტანკების, თვითმფრინავებისა და ნაღმტყორცნების წინააღმდეგ, რომელსაც რუსეთი ჩვენს წინააღმდეგ, ჩვენს გასანადგურებლად იყენებს. თუმცა, რუსეთი საკუთარ თავსაც ანადგურებს. უკრაინის წინააღმდეგ ყოველი გასროლა ის ნაბიჯია, რომელსაც რუსეთი საკუთარი თავის გასანადგურებლად და იზოლაციაში მოსაქცევად დგამს. ყველა ვისაც აზროვნების უნარი აქვს, ახლა რუსეთს ტოვებს. პროგრამისტები, ბიზნესმენები, არტისტები. რუსეთის სახელმწიფოს ათწლეულების განმავლობაში არ გამოუცდია ისეთი დარტყმა ადამიანურ კაპიტალზე, როგორიც საკუთარ თავს მიაყენა. თუმცა, ჩვენ ეს არ გვაწუხებს, ეს არ არის ჩვენი პრობლემა. ჩვენი ამოცანა საკუთარი თავისა და ჩვენი ხალხის შენარჩუნებაა