საქართველოს პროკურატურამ გავრცელებულ ვიდეოჩანაწერთან დაკავშირებით, სადაც ჩანს, რომ ზუგდიდში პოლიციის თანამშრომელი ქალზე ძალადობს, გამოძიება ძალადობის, სისხლის სამართლის კოდექსის 126-ე მუხლით დაიწყო.
უწყების ცნობით, გამოძიების ფარგლებში, უახლოეს პერიოდში მოხდება დაზარალებულის გამოკითხვა, ასევე ჩატარდება ყველა საჭირო საგამოძიებო და საპროცესო მოქმედებები.
"მაღალი საზოგადოებრივი ინტერესიდან გამომდინარე, გამოძიების შედეგების შესახებ საზოგადოებას დამატებით ეცნობება". – ვკითხულობთ პროკურატურის მიერ გავრცელებულ განცხადებაში.
25 იანვარს დროას წევრმა, მარიამ სიჭინავამ Facebook-ზე ვიდეო გამოაქვეყნა და დაწერა: "ზუგდიდი. ჩხოუშიის სანაპირო. ფორმიანი პოლიციელი ფიზიკურად ძალადობს ქალზე".