დღეს კათოლიკოს-პატრიარქ ილია მეორის აღსაყდრებიდან 44 წელი გავიდა.
43 წლის წინ, 1977 წლის 23 დეკემბერს საქართველოს სამოციქულო ეკლესიის XII საეკლესიო კრებამ, 45 დელეგატის არჩევანით (მოიწვიეს 47) – საქართველოს მართლმადიდებელი ეკლესიის 141-ე საჭეთმპყრობლად ერთხმად აირჩია ცხუმ-აფხაზეთის მიტროპოლიტი ილია შიოლაშვილი.
საპატრიარქო არჩევნების ვიდეოჩანაწერში ჩანს, რომ დელეგატებს შორის იყვნენ ქალებიც (ფოტოზე – სიონის ტაძრის ფინანსისტი, ქეთევან ბარბაქაძე)
მაშინდელი მართვა-გამგეობის დებულების მიხედვით, საპატრიარქო არჩევნებში ხმის მიცემის უფლებით მონაწილეობის უფლება, მღვდელმთავრების გარდა, ჰქონდათ როგორც სამღვდელო, ისე საერო პირებს.
საარჩევნო სამანდატო კომისიაში ასევე იყო ქალი წარმომადგენელი – თაისი ტორონჯაძე.
1995 წელს დამტკიცებული ახალი მართვა-გამგეობის დებულების მიხედვით შემდეგ საპატრიარქო არჩევნებზე კენჭისყრაში მონაწილეობას მხოლოდ ეპისკოპოსები მიიღებენ. საერო და სამღვდელო პირები საპატრიარქო არჩევნებს დაესწრებიან, მაგრამ მათ მხოლოდ სათათბირო ხმის უფლება ექნებათ.