ბილი აილიში: 100 000 გამომწერი ჩემი მკერდის გამო დავკარგე, ხალხს ეშინია დიდი მკერდის

ბილი აილიში მიმდინარე წლის მაისში ბრიტანული Vogue-ს გარეკანზე მოხვდა. ამერიკელი მომღერლის თქმით, ჟურნალში გამოქვეყნებული ფოტოსესიის შემდეგ სოციალურ ქსელებში 100 000 გამომწერი დაკარგა. 

"100 000 გამომწერი მხოლოდ ჩემი მკერდის გამო დავკარგე, ხალხს ეშინია დიდი მკერდის. სტილი შევიცვალე, ბევრს ეს არ ესიამოვნა, მაგრამ ჩემს ასაკში და მერეც ადამიანები ხშირად იცვლებიან. ახალი ალბომისთვის განსხვავებული გარეგნობა მინდოდა მქონოდა. თმა ქერად შევიღებე და ძველი ფოტოების ქვეშ დამხვდა კომენტარები, თუ როგორ ენატრებათ მწვანეთმიანი ბილი. მე იგივე ადამიანი ვარ და არა ბარბი, რომელსაც თავებს უცვლიან". – ამბობს მომღერალი ინტერვიუში.

ინტერვიუ აილიშის ახალ ფოტოსესიასთან ერთად Elle-ს ოქტომბრის ნომერში გამოქვეყნდა. ყდაზე და ერთ-ერთ ფოტოზე ახალგაზრდა მუსიკოსს Balenciaga-ს კაბა აცვია.