დედაქალაქის მერის, კახა კალაძის ცნობით, ინფორმაცია, თუ ვინ იქნება მერობის კანდიდატი, მომავალ კვირას გახდება ცნობილი.
"კანდიდატებთან დაკავშირებით, თუ ვინ იქნება დედაქალაქის მერი, ამასთან დაკავშირებით მომავალ კვირას გექნებათ სრულყოფილი ინფორმაცია". – ამბობს თბილისის მერი ჟურნალისტებთან საუბარში.
საპარლამენტო არჩევნების ანალოგიურად, ადგილობრივი თვითმმართველობის არჩევნების თარიღიც კანონით იქნება განსაზღვრული.
საარჩევნო კოდექსით იქნება გათვალისწინებული, რომ საკრებულოსა და თვითმმართველი ქალაქის/თემის მერის მორიგი არჩევნები ოქტომბრის პირველ შაბათს გაიმართება. შესაბამისად, მიმდინარე წელს თვითმმართველობის არჩევნები 2 ოქტომბერს იქნება დაგეგმილი.
