პარტია ხალხისთვის ლიდერი, ანა დოლიძე თბილისის მერობის საერთო კანდიდატად საზოგადოებას საკუთარ თავს სთავაზობს. ამის შესახებ დოლიძემ FACEBOOK-ზე დაწერა და აღნიშნა, რომ თბილისს სჭირდება "მერი ხალხისთვის".
დოლიძის მიმართვას უცვლელად გთავაზობთ:
"გადავავლოთ თვალი დამოუკიდებლობის მოპოვებიდან დღემდე, ვის ვირჩევდით დედაქალაქის მერებად - ადამიანებს, რომელსაც ძლიერი და გავლენიანი ჯგუფები გვთავაზობდნენ. არ ჰქონდა მნიშვნელობა, მათ კომპეტენციას, თბილისის სიყვარულს და იმ პრობლემების შეგრძნებას, რომელიც თბილისელებს გვაწუხებს. ამიტომ დაუგროვდა ამ ქალაქს წლების განმავლობაში უამრავი პრობლემა და ამიტომაც აქვს დღეს თბილისს ყველა მერის ხელწერა დამღად.
თბილისელები ვწუხვართ ბეტონის ჯუნგლებად ქცეულ ქალაქზე, "საცობებზე", არამიზნობრივად გაფლანგულ ბიუჯეტზე, ანუ ჩვენ ფულზე, 21- საუკუნეში კანალიზაციის, ტროტუარების, გზების, მწვანე სივრცეების თუ სხვა პირველადი საჭიროების ინფრასტრუქტურის არ არარსებობაზე.
წუწუნი გასაგებია, მაგრამ ამდენი უკმაყოფილების და ხელის ჩაქნევის დრო ნამდვილად არ არის. დავფიქრდეთ, სად არის ჩვენი შეცდომა. პასუხი ერთია - თბილისს, რომელიც მაგალითია მთელი საქართველოსთვის, სჭირდება მერი, რომელმაც ზუსტად იცის რა სჭირდება ხალხს.
თბილისს სჭირდება - მერი ხალხისთვის.
მეგობრებო, დიდი ხანია საუბარია მედიაში, ვინ უნდა იყოს თბილისის მერობის საერთო კანდიდატი. ვფიქრობ, ეს უნდა იყოს ადამიანი, რომელიც იქნება ხალხისთვის. საზოგადოებას ვთავაზობ ჩემ კანდიდატურას განსახილველად. მე არასდროს დავუბრკოლებივარ შიშს, რომ ხალხის ინტერესის დასაცავად დავპირისპირებოდი წინა თუ ამჟამინდელ ხელისუფლებას და დიდ კორპორატიულ ინტერესებს.
15 წელი საჯარო სივრცეში ვდგავარ ჩვენი ხალხის გვერდით და ვფიქრობ, ყველა საპასუხისმგებლო თანამდებობაზე შევძლებ სწორედ, პასუხისმგებლობით, დამოუკიდებლად, მხოლოდ ხალხისთვის მსახურს. ეს დაადასტურა 2020 წლის საპარლამენტო არჩევნებში, დიდუბე-ჩუღურეთის მაჟორიტარობითვის ჩემმა ბრძოლამაც. ამომრჩეველის 18 პროცენტმა მხარი დამიჭირა, სწორედ როგორც ახალ, დამოუკიდებელ ძალას, ორპოლუსიანიბის მიღმა, ჩემი გავლილი გზის შეფასებით. ესაა ხალხის დაკვეთა". - აღნიშნავს ანა დოლიძე.
