დღეს დილისთვის ახალი შემთხვევების რაოდენობა არის 788, დაახლოებით 10 000-მდე ტესტის ფონზე. ბოლო ორი კვირაა ვმერყეობთ 800-სა და 1000-ს შორის, რომელიც სრულად მართვადია ჯანდაცვის სისტემის მიერ და არ წარმოადგენს დიდ ზეწოლას ჯანდაცვის სექტორზე. საკმარისია საწოლფონდი, ექიმები, ჟანგბადი, წამლები და ყველაფერი ეს საკმარისია. დიდი ალბათობით და ყველანაირი პროგნოზირებით აქამდე [დღეში 5 000-ზე მეტ შემთხვევამდე] არ უნდა მივიდეთ. იმიტომ, რომ პირველი - მივეჩვიეთ ტარებას პირბადის. ბოლო მონაცემებით, პირბადის ტარების მაჩვენებელი 75%-ია, რაც ძალიან კარგია, მაგრამ თუ ავალთ 95%-ზე, ბევრად უკეთესი ინდიკატორები გვექნება.
მეორე ის რომ, საკმაოდ დიდ ნაწილს - მოსახლეობის დაახლოებით 20%-ს უკვე გადატანილი აქვს ინფექცია და არის უკვე გარკვეული კუმულაციური იმუნიტეტი.
მესამე ის არის, რომ მოდის თბილ ამინდები, ზაფხული, სადაც მზის სხივი ამ ვირუსზე მოქმედებს და ის თანდათან ალბათ უფრო შესუსტდება.