პოლიტიკური კრიზისი

პრეზიდენტი: რურუას 27 აპრილს შევიწყალებ, როცა ოპოზიციური პარტიები პლენარულ სხდომაზე შევლენ

საქართველოს პრეზიდენტმა მისი 19 აპრილის განცხადებაში აღნიშნა: იმისთვის, რომ ქვეყანა და პარლამენტი ნორმალურ პოლიტიკურ რეჟიმს შეუდგეს და გამოწვევებს გაუმკლავდეს, მიიღო შეწყალების გადაწყვეტილება გარკვეული პირობებით.

იქიდან გამომდინარე, რომ პოლიტიკურმა პარტიებმა - მმართველმა პარტიამ და ოპოზიციამ, შეთანხმებას მიაღწიეს და ევროპული საბჭოს პრეზიდენტმა ისევე როგორც აშშ-ს ელჩმა ეს ფაქტი დაადასტურეს, ამგვარად პირველი პირობა შესრულებულია.

რაც შეეხება მეორე პირობას, პოლიტიკურმა პარტიებმა საჯაროდ მოაწერეს ხელი საბოლოო შეთანხმების დოკუმენტს და მათი შესვლა პარლამენტში 27 აპრილს პლენარულ სხდომაზე იგეგმება.

ეს ნიშნავს, რომ როგორც განცხადებაშია გათვალისწინებული, ერთი კვირის ვადაში შესრულდება მეორე პირობაც, მაშასადამე, იმ დღესვე გამოიცემა პრეზიდენტის შეწყალების აქტი

წერს საქართველოს პრეზიდენტი სალომე ზურაბიშვილი Facebook-ზე. შეთანხმებაზე ხელმომწერი ოპოზიციონერები 27 აპრილს ამნისტიის შესახებ კანონპროექტის ინიცირებას აპირებენ, რომელიც 2019 წლის 20-21 ივნისის დანაშაულებს შეეხება.

კომენტარები