თიბისი კაპიტალი თბილისის უძრავი ქონების ბაზრის კვლევას ავრცელებს.
2021 წლის თებერვალში, წინა წლის ანალოგიურ პერიოდთან შედარებით, თბილისში ბინების საშუალო ფასი 5.4%-ით შემცირდა, რაც, ძირითადად, პანდემიით გამოწვეულ შოკებსა და შემცირებულ მობილობას მიეწერება. ამის მიუხედავად, თებერვალში, იანვართან შედარებით, საშუალო ფასმა 1.7%-ით მოიმატა.
ფასების ზრდის ფონზე, სტაბილურად იკლებს ქირის გადასახდელები. თებერვლის მდგომარეობით, ბოლო 12 თვეში საშუალო ქირის თანხა თითქმის 28%-ით შემცირდა.
პანდემიის მიუხედავად, თებერვალში ჯამურად 2 900 ბინა გაიყიდა, რომელთაგან 1 900 სრულიად ახალი იყო, 1 000-მდე კი – ძველი.
2021 წლის პირველ კვარტალში ახალაშენებული ბინის 1 კვადრატული მეტრის საშუალო ფასი $732 დოლარია, ძველისა კი – $639. რაც შეეხება უბნებს, ახალი ბინები ყველაზე ძვირი შემდეგ რაიონებში ღირს:
-
მთაწმინდა – 1 კვ.მ > $1 100
-
ვაკე – 1 კვ.მ > $1 000
-
საბურთალო – 1 კვ.მ > $800
-
ჩუღურეთი – 1 კვ.მ ~ $800
-
დიდუბე – 1 კვ.მ < $800
განსხვავებული რეალობაა ძველი ბინების ბაზარზე, სადაც უბნებს შორის ვაკე ლიდერობს:
-
ვაკე – 1 კვ.მ > $950
-
მთაწმინდა – 1 კვ.მ ~ $950
-
საბურთალო – 1 კვ.მ ~ $800
-
დიდუბე – 1 კვ.მ ~ $700
-
კრწანისი – 1 კვ.მ > $600