ბერა-ღარიბაშვილ-ჩუბინიძის ჩანაწერებზე რეაქცია სამართლებრივ ან პოლიტიკურ ტერმინებში ("გამოძიება უნდა დაიწყოს", "ღარიბაშვილი უნდა გადადგეს" და ა. შ.) ფორმალურად სწორია, მაგრამ თან – რეალობას აცდენილი. რა აზრი აქვს ან ერთს, ან მეორეს?
მე ერთი სიტყვა მიტრიალებს: გულისრევა. ამ სიტუაციაზე და მასში ჩართულ თითოეულ პერსონაჟზე ნორმალურ ადამიანს რწყევის რეფლექსი უნდა აუმოქმედდეს.
მეორე სიტყვაა პრიმიტივიზმი: ეს ხალხი როგორც მორალურად, ისე ინტელექტუალურად განვითარების ძალიან დაბალ, საწყის დონეზე დგას. (თუმცა, ერთ-ერთი მათგანი დღეს ჩვენი ქვეყნის ყველაზე მაღალი თანამდებობის პირია – რაც არ უშლის ხელს, გათავხედებული პატარა მანიაკის პირადი ლაქიაც იყოს).
მთავარი შეკითხვაა: რამდენად მოქმედებს ერში გულისრევის რეფლექსი? თუ ის რაღაცნაირად გადაგვარდა?
