დანიას ყველაზე ძველი სახელმწიფო დროშა აქვს, ისტორიულ წყაროებში დროშა პირველად მე-14 საუკუნეში გამოჩნდა. დანიაში კანონით არ ისჯება ეროვნული დროშის დაწვა, თუმცა იკრძალება სხვა ქვეყნების დროშების განადგურება.
ისტორიკოსების აზრით მეკობრეების დროშა, „მხიარული როჯერი“ ლიტერატურასა და კინოში დამკვიდრებული ფიქციაა, როგორც წესი მეკობრეები უდროშოდ დაცურავდნენ, თუმცა პრობლემების თავიდან ასარიდებლად ზოგჯერ შავ დროშას იყენებდნენ, იმ პერიოდში შავი დროშა ბორტზე კეთრის ეპიდემიის ნიშნად იკიდებოდა.
ნეპალი ერთადერთი ქვეყანაა, რომლის დროშა ოთხკუთხა ფორმის არ არის. 
მხოლოდ ორ ქვეყანას, შვეიცარიასა და ვატიკანს აქვთ კვადრატული ფორმის დროშები.
ყველაზე მეტი, თორმეტი ფერი ბელიზის დროშაზე გვხვდება.
ბრაზილიის დროშაზე 27 ვარსკვლავით შედგენილი 5 თანავარსკვლავედს ვხედავთ. სწორედ ასე გამოიყურებოდა რიო დე ჟანეიროს ცა 1889 წლის 19 ნოემბერს - დღე, როდესაც ბრაზილიამ დამოუკიდებლობა გამოაცხადა.
თქვენს წინაშეა მარსის დროშა, რომელიც 1999 წელს NASA-ს ინჟინერმა, პასკალ ლიმ შექმნა. წითელი ფერი პლანეტის ამჟამინდელ მდგომარეობას აღნიშნავს, მწვანე და ლურჯი კი მარსზე სიცოცხლის შესაძლო დაბრუნების სიმბოლოებია.
ყველა ოლიმპიადა იხსნება, ოლიმპიადის ისტორიული სამშობლოს, საბერძნეთის დროშით.
მოზამბიკის სახელმწიფო დროშაზე კალაშნიკოვის სისტემის ავტომატია გამოსახული. დროშა 1983 წელს შეიქმნა, იარაღი სამხედრო ძლევამოსილების სიმბოლოა.
პარაგვაის დროშა ორმხრივია, ერთ მხარეს ქვეყნის ჰერბი, ხოლო მეორე მხარეს ხაზინის ბეჭედია გამოსახული. 
ომის დროს ფილიპინების დროშა უკუღმა იკიდება, ზოგიერთ ქვეყანაში ამოტრიალებული დროშის დაკიდება სისხლის სამართლის დანაშაულია.
პორტუგალია ერთადერთი ქვეყანაა, რომლის დროშაზე მეცნიერული ხელსაწყო, არმილარული სფეროა გამოსახული.
"არ არსებობს ღმერთი ალაჰის გარდა, მუჰამედი კი მისი წინასწარმეტყველია". - წერია საუდის არაბეთის დროშაზე. ხმალი ქვეყნის დამაარსებლის, აბდელ-აზიზ იბნ საუდს გამარჯვების სიმბოლოა.
ყველაზე ახალგაზრდა სახელმწიფო დროშა სამხრეთ სუდანს აქვს. სამხრეთ სუდანმა სახელმწიფოს სტატუსი 2011 წელს მიიღო.
გაერთიანებული სამეფოს 1801 წელს მიღებული დროშა, "იუნიონ ჯეკი" სამი ჯვრის კომბინაციაა. თეთრი ანდრიას ჯვარი შოტლანდიის, წითელი ანდრიას ჯვარი ირლანდიის, ხოლო, წითელი გიორგის ჯვარი ინგლისის სიმბოლოა. 
ერთერთი ყველაზე ცვალებადი დროშა ამერიკის შეერთებულ შტატებს აქვს, ვინაიდან ვარსკვლავებით შტატების რაოდენობა აღინიშნება. ამ დროისთვის ამერიკის დროშაზე 50 ვარსკვლავია.
საქართველოს ხუთჯვრიანი დროშა პირველად 1339 წელს, ანჯელინო დულჩერის რუკაზე გვხვდება. 2004 წლის 14 იანვარს საქართველოს სახელმწიფო დროშა, გერბთან და ჰიმნთან ერთად, საქართველოს ეროვნული სიმბოლო გახდა.საინტერესო ფაქტები დროშების შესახებ, რომლებიც შესაძლოა, არ იცოდით.
