ელიავას ბაზრობის მიმდებარედ, აგლაძისა და გუდაუთის ქუჩების კუთხეში სასაწყობე ფართში ხანძარია. ინფორმაცია ტაბულას საგანგებო სიტუაციების მართვის სამსახურში დაუდასტურეს.
უწყებას სავარაუდო დაშავებულების შესახებ ინფორმაცია არ აქვს.
განახლება: საგანგებო სიტუაციების მართვის სამსახურის ინფორმაციით, ხანძარი უკვე ლოკალიზებულია. წინასწარი ინფორმაციით, ცეცხლი გავრცელებულია სამშენებლო მასალების საწყობებზე.
ამ დროისთვის ადგილზე უკვე მობილიზებულია 12 სახანძრო-სამაშველო ჯგუფი. მიმდინარეობს აქტიური სალიკვიდაციო სამუშაოები.
დაშავებულების შესახებ საგანგებო სიტუაციების მართვის სამსახურში ინფორმაცია არ შესულა.
