"დღეს, 5 საათზე გაიგებთ ყველაფერს". – ასე პასუხობს ქართული ოცნების უმრავლესობის ლიდერი ირაკლი კობახიძე ჟურნალისტის კითხვას, ჩაანაცვლებს თუ არა ის ბიძინა ივანიშვილს ქართული ოცნების თავმჯდომარის პოსტზე.
"დღეს, 5 საათზე პარტიის ოფისში გაიმართება ბრიფინგი, სადაც გაიგებთ ყველაფერს პარტიის სამომავლო გეგმებზე. მანამდე კი კომენტარებს ვერ გავაკეთებთ". – თქვა კობახიძემ გამართულ ბრიფინგზე.
დღეს, 11 იანვარს, ბიძინა ივანიშვილმა ღია წერილი გაავრცელა, სადაც ირწმუნება, რომ პოლიტიკიდან საბოლოოდ მიდის.