ალპინისტებმა ევერესტიდან 8.5 ტონა ნაგავი ჩამოიტანეს

ოთხწლიანი შრომის შედეგად შეინიოს ხელმძღვანელობით ალპინისტების ჯგუფმა ევერესტიდან ათწლეულების განმავლობაში მთასვლელების მიერ დატოვებული ნაგავი ჩამოიტანეს, რომლის წონამ 8.5 ტონა შეადგინა

Bored Panda

2016 წელს ფრანგმა ალპინისტმა და ეკოაქტივისტმა, მარიონ შეინიო-დიუპუიმ პროექტი -"Clean Everest" წამოიწყო, რომელიც მსოფლიოს უმაღლესი მთის დასუფთავებას ემსახურება. 

ოთხწლიანი შრომის შედეგად, შეინიოს ხელმძღვანელობით, ალპინისტების ჯგუფმა ევერესტიდან ათწლეულების განმავლობაში მთასვლელების მიერ დატოვებული ნაგავი ჩამოიტანეს, რომლის წონამ 8.5 ტონა შეადგინა. ჯგუფის წევრების განცხადებით, ევერესტის სამი მეოთხედი დასუფთავებულია. დასუფთავების სამუშაოებში ადგილობრივი მოსახლეობაც იყო ჩართული. 

შეინიო-დიუპუის თქმით, ევერესტი მხოლოდ დასაწყისია, მომავალში ის ჰიმალაის სხვა მწვერვალების დასუფთავებასაც აპირებს.

"ევერესტზე ლაშქრობა ადამიანსა და ბუნებას შორის უმწიკვლო ინტერაქციის მაგალითი უნდა იყოს. 2013-ში, როდესაც მწვერვალი დავლაშქრე გავაცნობიერე, რომ 30-წლიანი ექსპლუატაციის შემდეგ მწვერვალზე ტონობით ნაგავი მოგროვდა. ამ ფაქტთან შეგუებას არ ვაპირებდი და წამოვიწყე კამპანია". – ამბობს შეინიო-დიუპუი, რომელმაც ევერესტი სამჯერ დალაშქრა.

 

 

 

კომენტარები