80-იანი წლების საკულტო კომედიის გაგრძელების პირველი ტრეილერი გამოვიდა.
მეორე ნაწილის სიუჟეტის მიხედვით, პრინცი აკიმი ზამუნდის მეფობისთვის ემზადება, როდესაც მოულოდნელად აღმოაჩენს, რომ ნიუ-იორკში შვილი ჰყავს. ძველ მეგობართან, სემისთან ერთად მომავალი მეფე ამერიკაში ბრუნდება.
ფილმის სიქველში ნაცნობ როლებს ედი მერფი, არსენიო ჰოლი, ჯეიმს ერლ ჯონსი, ჯონ ეიმოსი და ლუი ანდერსონი დაუბრუნდნენ.
პოპულარული კომედიის ახალი ნაწილი სტრიმინგ სერვისზე Amazon Prime 2021 წლის 5 მარტს გამოვა.
