6 ოქტომბრის ვაჭრობის შედეგად, ახალი გაცვლითი კურსით, ლარი დოლართან მიმართებით 1.92 თეთრით გაუფასურდა და 1 დოლარის ღირებულება 3.2209 ლარია. ლარი ევროსთან მიმართებით კი 3.42 თეთრით გაუფასურდა და 1 ევროს ღირებულება 3.7963 ლარს შეადგენს.
დღევანდელი ვაჭრობის შედეგად მიღებული კურსები ხვალიდან, 7 ოქტომბერიდან შევა ძალაში.
საქართველოს ეროვნული ვალუტის კურსი განსაკუთრებით პანდემიის შედეგად ჩაკეტილი საზღვრებისა და რამდენიმეთვიანი კარანტინის ფონზე დაეცა. 7 თვის წინ, პანდემიის დაწყებამდე, 2020 წლის 23 თებერვალს ერთი ევროს ოფიციალური კურსი - 3.0571 ლარი იყო, ხოლო 1 აშშ დოლარის - 2.8299 ლარი.
სექტემბრის თვეში ეროვნულმა ბანკმა ლარის გასამყარებლად 150 მილიონ დოლარზე მეტი გაყიდა. 2020 წელს სებ-მა სულ 460 მილიონი დოლარის რეზერვი გაიტანა სავალუტო ბაზარზე.
