საქართველოს პირველი პრეზიდენტის შვილის ცოტნე გამსახურდიას მკვლელობის მცდელობის საქმეზე ორ პირს 15-15 წლით პატიმრობა მიესაჯა. გადაწყვეტილება თბილისის საქალაქო სასამართლოში, დღეს, 11 სექტემბერს გამოცხადდა.
რაც შეეხება დანაშაულის შეუტყობინებლობის ბრალდებით დაკავებულ პირებს, ერთს 4 წლით, ხოლო მეორეს 5 წლით პატიმრობა შეეფარდათ.
ცოტნე გამსახურდია 2019 წლის 19 დეკემბერს მძიმედ დაჭრეს. მას თბილისში რამდენიმე ოპერაცია ჩაუტარდა, რის შემდეგაც ის თურქეთის კლინიკაში გადაიყვანეს.
