ბათუმში, ე.წ ხოფის ბაზრობის თანამშრომელს კორონავირუსი დაუდგინდა. ინფორმაცია დაავადებათა კონტროლის ეროვნული ცენტრის დირექტორმა, ამირან გამყრელიძემ დაადასტურა.
"დღეს ბაზრობა ისვენებს, დაკეტილია, ხვალიდან მოხდება თანამშრომლების ტესტირება, ამას გიდასტურებთ". – თქვა გამყრელიძემ.
დღეს, 7 სექტემბერს გამოვლენილი კორონავირუსის 34 ახალი შემთხვევიდან 20 აჭარაში დადასტურდა.
ჯამში ქვეყანაში ახალი კორონავირუსის 1 684 შემთხვევაა დადასტურებული, საიდანაც 1 315 ადამიანი გამოჯანმრთელდა, 19 კი გარდაიცვალა.