თბილსისის ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, ჩაქვის სასტუმრო ოაზისში კორონავირუსზე 806 ტესტი ჩატარდა და PCR კვლევის პასუხები დღეს გახდება ცნობილი.
ეზუგბაიას ინფორმაციით, ბათუმში განთავსებულ კარვებსა და კლინიკებში 1 762 ბიოლოგიური სინჯი აიღეს. მათი პასუხებიც დღეს გახდება ცნობილი.
ეზუგაბაია ასევე ამბობს, რომ საკონდიტრო მაღაზია დონასთან დაკავშირებით 600 სინჯი აიღეს. კორონავირუსი ერთ ადამიანს - თანამშრომლის ნათესავს დაუდასტურდა.
დღეს, 3 სექტემბერს, საქართველოში კორონავირუსით ინფიცირების 20 ახალი შემთხვევიდან 8 დადასტურებულ შემთხვევასთან კონტაქტია. ერთი პაციენტი სამედიცინო პერსონალის წევრია, 7 შემთხვევა შემოტანილია, 4-ის ინფიცირების წყარო კი ჯერჯერობით უცნობია.
ჩაქვში, სასტუმრო ოაზისში, სადაც ერთ-ერთ სტუმარს COVID 19 დაუდასტურდა. სასტუმროში სამედიცინო პერსონალის კონფერენცია მიმდინარეობდა. სასტუმრო ჩაიკეტა და იქ 400-მდე ქართველი ექიმი იმყოფება. ასევე, 2 სექტემბერს, კორონავირუსის 38 ახალი შემთხვევიდან 22 ბათუმში დადასტურდა. 21 შემთხვევა ბათუმში საკონდიტრო დონას უკავშირდება.
ჯამში ქვეყანაში ახალი კორონავირუსის 1 568 შემთხვევაა დადასტურებული, საიდანაც 1 279 ადამიანი გამოჯანმრთელდა, 19 კი გარდაიცვალა.
