ღირსეული პარტნიორი 2020-ის წვრთნები საქართველოში 7 სექტემბერს დაიწყება. ამერიკელი ჯარისკაცები უკვე ჩამოვიდნენ.
თავდაცვის სამინისტროს ცნობით, წვრთნებში მონაწილეობის მისაღებად აშშ-ს მე-2 საკავალერიო პოლკის სამხედროები და სამხედრო პოლიციის მე-18 ბრიგადის პირადი შემადგენლობა ჩამოვიდა.
ქართველ ჯარისკაცებთან ერთად წვრთნებში მონაწილეობას NATO-ს ოთხი წევრი ქვეყნის – აშშ, დიდი ბრიტანეთი, საფრანგეთი და პოლონეთი – სამხედროები მიიღებენ მონაწილეობას. სხვადასხვა ქვეყნის ჯარისკაცები 7 სექტემბრამდე ეტაპობრივად ჩამოვლენ.
ჯამში სწავლებაში 2 700-ზე მეტი სამხედრო მოსამსახურე მიიღებს მონაწილეობას. ღირსეული პარტნიორი საქართველოში მეხუთედ ტარდება და მისი მიზანია საქართველოს, აშშ-სა და პარტნიორ ქვეყნებს შორის მზადყოფნისა და თავსებადობის გაუმჯობესება, შავი ზღვის რეგიონში სტაბილური და უსაფრთხო გარემოს შენარჩუნებაში წვლილი შეტანა.
მრავალეროვნული წვრთნა კომპლექსურია და ის ითვალისწინებს სამეთაურო-საშტაბო და საველე სწავლებებს საბრძოლო სროლებით, სამანევრო და საბრძოლო მხარდამჭერი ელემენტების ურთიერთქმედებას სტაბილურობის, თავდაცვით და შეტევით ოპერაციებში.
