ელიავას ბაზრობის მიმდებარე ტერიტორიაზე, ერთ-ერთი ეკლესიის ეზოში ხანძარია – ინფორმაცია ტაბულას საგანგებო სიტუაციების მართვის სამსახურში დაუდასტურეს.
მათივე ინფორმაციით, ცეცხლი ეკლესიის ეზოში მდგარ ხის ფარდულს გაუჩნდა. ამ დროისთვის ცეცხლი ლოკალიზებულია და მეხანძრეები მის ჩაქრობას ცდილობენ.
დაშავებულების შესახებ ინფორმაცია უწყებაში ჯერჯერობით არ აქვთ.
