შეფასებისა და გამოცდების ეროვნული ცენტრის ხელმძღვანელის, სოფიო გორგოძის განცხადებით, ეროვნული გამოცდების შემდეგ აბიტურიენტთა ნაშრომების გასწორებამდე პასუხების ფურცლები რამდენიმე დღით კარანტინში მოთავსდება.
მისივე თქმით, ნაწერების გასწორება გამოცდიდან 3-4 დღის შემდეგ დაიწყება.
"ნაშრომების გასწორება იწყება, როდესაც დამთავრდება კონკრეტული საგნის გამოცდა და როდესაც რამდენიმედღიან კარანტინს გაივლის პასუხების ფურცელი. დამთავრებიდან 3-4 დღის შემდეგ დაიწყება გასწორება". – ამბობს გორგოძე.
ერთიანი ეროვნული გამოცდები დღეს, 6 ივლისს დაიწყო.
კორონავირუსის პრევენციის მიზნით აბიტურიენტთა გამოცდებზე დაშვების პირობები, ცენტრის პერსონალის ვალდებულებები და გამოცდაზე ქცევის წესები წაიკითხეთ აქ.
