უკანასკნელი ორი თვის განმავლობაში ბოტსვანაში 350-ზე მეტი სპილო გაურკვეველი მიზეზით მოკვდა.
ქვეყნის ხელისუფლების ინფორმაციით, კანადაში, სამხრეთ აფრიკასა და ზიმბამბევში არსებული სამი ლაბორატორია მკვდარი სპილოებიდან აღებული ნიმუშებით ცდილობს გაარკვიოს, რამ გამოიწვია ცხოველების სიკვდილი.
ცხოველთა დაცვის ორგანიზაციის, Elephants Without Borders-ის მომზადებული კვლევის თანახმად, ბოტსვანაში მკვდარი სპილოები სხვადასხვა ასაკის ჯგუფებიდან არიან.
ბრიტანული საქველმოქმედო ორგანიზაციის, National Park Rescue-ის წარმომადგენლის, ნიალ მაკკანი ამბობს, რომ მათ სპილოების სიკვდილიანობის მზარდი ტენდენციის შესახებ ბოტსვანის ხელისუფლება მაისის დასაწყისში გააფრთხილეს.
"მათ 3-საათიანი ფრენის დროს 169 მკვდარი სპილო დათვალეს. ფრენის დროს ამდენი მკვდარი ცხოველის დანახვა ძალიან უცნაური იყო. აქედან ერთი თვის შემდეგ, გამოძიების შედეგად გამოვლინდა, რომ უკვე 350 შემთხვევაზე მეტია დაფიქსირებული". – თქვა მან.
ნაილ მაკკანი ასევე ამბობს, რომ ამ ყველაფერთან ბრაკონიერები არაფერ შუაში არიან, რადგან ამ შემთხვევაში სხვა მოკლულ ცხოველებსაც ვიხილავდით.