პირველ ივლისს მართლმადიდებლური უმრავლესობით დასახლებულ მონტენეგროში ერთნაირსქესიანთა სამოქალაქო პარტნიორობა დაკანონდა.
2011 წლის მონაცემებით, მონტენეგროს მოსახლეობის 72% მართლმადიდებელი ქრისტიანია.
მონტენეგრო დასავლეთ ევროპასა და ევროკავშირს გარეთ პირველი ევროპული ქვეყანაა, სადაც ლგბტ+ წყვილებს ლეგალურად ცნობენ.
81 პარლამენტარიდან ცვლილებებს მხარი დაუჭირა 42-მა დეპუტატმა.
"მონტენეგროს საზოგადოებისთვის, მისი დემოკრატიული სიმწიფისა და ინტეგრაციის პროცესისთვის დიდებული, სწორი მიმართულებით გადადგმული ნაბიჯია," - განაცხადა მონტენეგროს პრემიერმინისტრმა დუსკო მარჯოვიჩმა.
თავდაპირველად ამ კანონის მიღება 2019 წლის ივლისში უნდოდათ, თუმცა მაშინ პარლამენტმა ცვლილებებს მხარი არ დაუჭირა.
მონტენეგრო გაეროს 32-ე წევრი ქვეყანაა, სადაც ლგბტ+ წყვილების სამოქალაქო პარტნიორობის გარკვეულ ფორმას ცნობენ.
ლგბტ+ წყვილებს ევროკავშირის 28 ქვეყანაში შეუძლიათ დაქორწინება.
ლგბტ+ თემის წევრები გადაწყვეტილებას მიესალმებიან.
კანონი ერთ წელში ამოქმედდება, მას შემდეგ, რაც დებულებებს საბოლოოდ გააფორმებენ და სამთავრობო პირებს ტრენინგს ჩაუტარებენ.
მონტენეგროს მთავრობამ ლგბტ+ თემის უფლებები 2019-2023 წლის "სამოქმედო გეგმით" წაახალისა, რაც მოიცავს სამართალდამცავებისა და მედიკოსებისთვის ანტიდისკრიმინაციულ ტრენინგს.
"ამას ნამდვილად არ ველოდი... არაჩვეულებრივია, ეს ყველა ჩვენგანისთვის დიდი დღეა," - თქვა ლგბტ ფორუმის პროგრესის აღმასრულებელმა დირექტორმა, ჯონ ბარაკმა.
ბარაკის თქმით, 30 ივნისს პარლამენტში დებატების მიმდინარეობის დროს, კანონის მოწინააღმდეგე პარლამენტის წევრებმა თქვეს, რომ ლგბტ+ სამოქალაქო პარტნიორობა "გლობალური მსოფლიო სატანების" მიერ არის დაკანონებული.