შინაგან საქმეთა სამინისტროს ინფორმაციით, შსს-ის ექსპერტ-კრიმინალისტს თბილისში, სამსახურებრივი მოვალეობის დროს, პირველადი ინფორმაციით, დენმა დაარტყა.
უწყების ინფორმაციით, ექსპრერტ -კრიმინალისტი ელგუჯა ამაშუკელის ქუჩაზე მდებარე გაზგასამართ სადგურში, საგამოძიებო მოქმედებებს აწარმოებდა.
"მომხდარის შედეგად, ექსპერტ-კრიმინალისტი დაზიანდა. იგი სასწრაფო სამედიცინო დახმარების ჯგუფმა კავკასიის მედიცინის ცენტრში გადაიყვანა. ამ დროისთვის მისი ჯანმრთელობის მდგომარეობა მძიმეა" - აცხადებს შსს.
გამოძიება საქართველოს სსკ-ის 240-ე პრიმა მუხლის პირველი ნაწილით მიმდინარეობს.