დიდი ბრიტანეთის პრემიერმინისტრი, ბორის ჯონსონი, ახალი კორონავირუსის სიმპტომების გართულების გამო ინტენსიური თერაპიის განყოფილებაში გადაიყვანეს - ამის შესახებ ინფორმაციას BBC ავრცელებს.
ბორის ჯონსონის კაბინეტის ინფორმაციით, პრემიერმინისტრი გონზეა და მას ამ დროისთვის ფილტვების ვენტილაციის აპარატი არ სჭირდება.
"პრემიერმინისტრის ჯანმრთელობის მდგომარეობა დამძიმდა და სამედიცინო გუნდის რჩევის შესაბამისად, ის ინტენსიური თერაპიის განყოფილებაში გადაიყვანეს", - წერია განცხადებაში.
ბრიტანეთის პრემიერმინისტრი საავადმყოფოში გამოკვლევებისთვის ხუთი აპრილის საღამოს გადაიყვანეს. დღეს, მან მიმართვისას თქვა, რომ საავადმყოფოში ექიმის რჩევით წავიდა რუტინული ტესტის ჩასატარებლად, რადგან ახალი კორონავირუსის სიმპტომები კვლავ აქვს.
ახალი კორონავირუსი ბორის ჯონსონს დაახლოებით ათი დღის წინ დაუდასტურდა.
