იზოლაციაში მყოფმა ადამიანებმა ცნობილი ნახატების სიუჟეტები გარდაქმნეს

ახალი კორონავირუსის პანდემიასთან ბრძოლის ერთ-ერთი მთავარი რეკომენდაცია სახლში დარჩენა და სოციალური დისტანციის დაცვაა.

ამიტომ, მსოფლიოს მასშტაბით ადამიანები თვითიზოლაციაში იმყოფებიან და გასართობად სხვადასხვა ხერხს მიმართეს. გართობის ერთ-ერთი მეთოდი ცნობილი ნახატების სიუჟეტების გარდაქმნა აღმოჩნდა.

ინსტაგრამზე შეიქმნა გვერდი - tussenkunstenquarantaine, სადაც გამოქვეყნებული სურათები ასახავს, თუ როგორები იქნებოდნენ ცნობილი ნახატების პერსონაჟები იზოლაციაში.