92 წლის ასაკში, ფრანგი კომიქსების მხატვარი, ალბერ უდერზო გარდაიცვალა. სიკვდილის მიზეზად გულის შეტევა სახელდება.
უდერზო 40-იანი წლებიდან ფრანგული კომიქსების შექმნაში მონაწილეობს. 1959 წელს რენე გოსინისთან და სხვა მხატვრებთან ერთად ქმნის ჟურნალს Pilote. სწორედ ამ ჟურნალში გამოჩნდა პირველად გოსინი-უდერზოს თანამშრომლობის პროდუქტი - თავგადასავლების მაძიებელი გალი, სახელად ასტერიქსი.
Astérix ერთ-ერთი ყველაზე პოპულარული ფრანგული კომიქსების სერიაა, რომლის მიხედვით არაერთი ანიმაცია და ფილმია გადაღებული.
