ჰარვარდის უნივერსიტეტის პრეზიდენტსა და მის ცოლს კორონავირუსი დაუდგინდათ

ჰარვარდის უნივერსიტეტის პრეზიდენტსა და მის ცოლს კორონავირუსი დაუდგინდათ - ამის შესახებ განცხადება თავად ლორენს ბექოუმ გაავრცელა.

"პირველი სიმპტომები კვირას გამოგვივლინდა - თავიდან ხველა, შემდეგ სიცხე და კუნთების ტკივილი. ორშაბათს ექიმებს დავუკავშირდით. ტესტირება გუშინ გავიკეთეთ და პასუხები რამდენიმე წუთის წინ მივიღეთ", - წერს უნივერსიტეტის პრეზიდენტი.

ბექოუს თქმით, მან არ იცის ვისგან დაინფიცირდნენ ის და მისი ცოლი Covid-19-ით.

"ჩვენ გამოვიყენებთ დროს დასვენისა და ძალების აღდგენისთვის 2-კვირიანი იზოლაციის განმავლობაში. მადლიერი ვარ შესანიშნავი გუნდით და იმით, რომ ბევრი ჩემი კოლეგა მოიქცევა უფრო პასუხისმგებლიანად შემდეგი კვირების განმავლობაში", - წერს ის.

ჰარვარდის უნივერსიტეტი მარტის დასაწყისიდან ონლაინ სწავლების მეთოდზე არის გადასული.