ცაგერში სამძებრო სამუშაოები მიმდინარეობს. მაშველები მდინარე ცხენისწყლის არხში ჩავარდნილებს ეძებენ.
ავტომობილი ცხენისწყლის არხში გუშინ ღამით ჩავარდა. მასში სამი მამაკაცი იმყოფებოდა. ნაპოვნია მხოლოდ ერთი ადამიანის ცხედარი, ორს კი - ამ დრომდე ეძებენ. ტაბულას საგანგებო სიტუაციების მართვის სამსახურში უთხრეს, რომ სამძებრო სამუშაოებში მყვინთავებთან ერთად, სპეცტექნიკაც ჩაერთო.
შსს-მ გამოძიება სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
