Sony-მ მარველის ერთ-ერთ პერსონაჟზე, მორბიუსზე ფილმი გადაიღო, რომელშიც მთავარ როლს ჯარედ ლეტო ასრულებს.
კომიქსების მიხედვით, მორბიუსი მეცნიერი იყო, რომელიც საკუთარი თავის გადარჩენისთვის, სისხლის დაავადებასთან საბრძოლველად წამლის ძიებაში ვამპირად გადაიქცევა. გმირს აწუხებს, რომ ადამიანების სისხლის სმა უწევს, თუმცა ის გამოსავალს იპოვის და მხოლოდ ბოროტმოქმედებზე ნადირობას დაიწყებს.
ფილმი 2020 წლის 31 ივლისს გამოვა.
