ამ კვირის განმავლობაში უკვე მეორედ, მეარაია ქერიმ All I Want For Christmas Is You-ს ახალი კლიპი გამოუშვა - ამჯერად ვიდეო სიმღერის გამოსვლიდან 25 წლის გასვლას მიეძღვნა.
კლიპში ძალიან ბევრი ცნობილი ადამიანი მონაწილეობს - კიმ კარდაშიანი, კეტი პერი, ტრევორ ნოა, ჯეიმი ფოქსი, ჰეიდი კლუმი, არიანა გრანდე, კრის ჯენერი, მისი ელიოტი და სხვები.
ახალ კლიპს მერაია ქერი ტვიტერითაც გამოეხმაურა.
"ვაუ! ეს არის ერთ-ერთი საუკეთესო საშობაო საჩუქარი, რაც მიმიღია. მე ძალიან მადლობელი ვარ ყველა ჩემი მეგობრის, რომელმაც მონაწილეობა მიიღო კლიპში. თქვენ ჩემს სახეზე ღიმილი გააჩინეთ, მადლობა", - დაწერა მერაია ქერიმ.