უგულავა: უცხოელი ძიუდოისტებიც რომ არ გავლახო, ალბათ, ამიტომ ჩამომართვეს პასპორტი

ევროპული საქართველოს ერთერთი ლიდერი გიგი უგულავა მისთვის შეფარდებულ აღკვეთის ღონისძიებას Facebook-ზე ასე ეხმაურება. საქალაქო სასამართლომ უგულავას 2 000-ლარიანი გირაო შეუფარდა და პასპორტისა და ID ბარათის ჩაბარება მოსთხოვა. ძიუდოისტი საბა (ბადრი) გავაშელაშვილი, რომელიც 11 დეკემბერს უგულავასა და გოკა გაბაშვილს აეროპორტში თავს დაესხა, თავად უჩივის უგულავას ცემისთვის.